கமல் பிரிவிற்கு பின் கவுதமி வெளியிட்ட உண்மை
- IndiaGlitz, [Saturday,November 19 2016]
உலக நாயகன் கமல்ஹாசனுடன் வாழ்ந்த 13 வருட வாழ்க்கையில் இருந்து சமீபத்தில் பிரிந்த நடிகை கவுதமி, தனது பிரிவிற்கான நீண்ட விளக்கத்தையும் சமீபத்தில் அளித்தார்.
இந்நிலையில் கவுதமியின் மகள் சுபலட்சுமி ஒரு முன்னணி நடிகரின் படத்தில் அறிமுகமாக உள்ளதாக கடந்த சில நாட்களாக செய்திகள் வெளிவந்து கொண்டிருக்கின்றது.
இந்த செய்தியை கவுதமி தனது சமூக வலைத்தளத்தில் மறுத்துள்ளார். 'என்னுடைய மகள் திரையுலகில் அறிமுகமாகவுள்ளதாக எண்ணி பலர் அவருக்கு வாழ்த்து தெரிவித்து வருகின்றனர். ஆனால் அதில் உண்மை இல்லை. அவர் தற்போது தனது படிப்பில் மட்டுமே கவனம் செலுத்தி வருகிறார். இப்போதைக்கு நடிகையாகும் எண்ணம் அவருக்கு இல்லை' என்ற உண்மையை தெரிவித்துள்ளார்.