கமல் அரசியலை ஆதரிக்கின்றேனா? கவுதமி விளக்கம்
- IndiaGlitz, [Sunday,February 25 2018]
நடிகர் கமல்ஹாசன் சமீபத்தில் 'மக்கள் நீதி மய்யம்' என்ற அரசியல் கட்சியை சமீபத்தில் ஆரம்பித்துள்ளார். இந்த கட்சிக்கு திரையுலகில் இருந்தும் ஒருசிலர் ஆதரவு தெரிவித்துள்ளனர்.
இந்த நிலையில் கமல்ஹாசனுடன் சில ஆண்டுகள் வாழ்ந்து, பின்னர் கருத்துவேறுபாடு காரணமாக பிரிந்துவிட்ட நடிகை கவுதமி, கமல் அரசியல் குறித்து கூறியபோது, 'கமல்ஹாசன் அரசியலை தான் ஆதரிக்கவில்லை என்றும் கமலுடன் தனக்கு எந்த தொடர்பும் கிடையாது என்றும் கூறியுள்ளார். மேலும் தன்னை கமலுடன் யாரும் ஒப்பிட்டு பேச வேண்டாம் என்றும் அவ்வாறு பேசுவது தனக்கு மனவருத்தம் அளிப்பதாகவும் அவர் தெரிவித்துள்ளார்.
அதுமட்டுமின்றி கமல்ஹாசன் நடித்த தசாவதாரம், விஸ்வரூபம் ஆகிய படங்களில் தான் ஆடை வடிவமைப்பாளராக பணியாற்றியதாகவும், ஆனால் அதற்குரிய சம்பளம் தனக்கு இன்னும் வழங்கப்படவில்லை என்றும் கவுதமி கூறியுள்ளார். கவுதமியின் இந்த குற்றச்சாட்டுக்கு கமல் என்ன பதில் கூறப்போகிறார் என்பதை பொறுத்திருந்து பார்ப்போம்