தனுஷ்-கெளதம் மேனன் படத்தின் டைட்டில்
- IndiaGlitz, [Tuesday,February 09 2016]
'தங்கமகன்' படத்தை அடுத்து 'கொடி' படத்தில் விறுவிறுப்பாக நடித்து கொண்டிருக்கும் நடிகர் தனுஷ், அடுத்து வெற்றிமாறன் இயக்கத்தில் உருவாகும் 'வடசென்னை' படப்பிடிப்பில் கலந்து கொள்வார் என எதிர்பார்க்கப்படுகிறது. இந்நிலையில் தனுஷ் நடிக்கும் படம் ஒன்றை கெளதம் மேனன் இயக்கவுள்ளார் என்ற தகவல் ஏற்கனவே வெளிவந்தது.
தற்போது இந்த படத்திற்கு கெளதம் மேனன் டைட்டிலை முடிவு செய்துவிட்டதாக கூறப்படுகிறது. கெளதம் மேனனின் படங்களின் டைட்டில் அனைத்துமே சுத்த தமிழில் கவிதைத்தனமாக இருக்கும் என்பது அனைவரும் தெரிந்ததே. இந்நிலையில் தனுஷ் நடிக்கும் படத்திற்கு அவர், 'என் மேல் பாயும் தோட்டா" என்ற டைட்டிலை முடிவு செய்திருப்பதாக கூறப்படுகிறது.
இந்த படத்தின் அதிகாரபூர்வ அறிவிப்பு இன்னும் வெளியாகவில்லை எனினும் இந்த படத்தின் படப்பிடிப்பு மார்ச் மாதம் தொடங்கும் என்றும் இந்த படத்தில் நடிக்கும் நாயகி மற்றும் டெக்னீஷியன்கள் தேர்வு நடைபெற்று வருவதாகவும் கூறப்படுகிறது.