மீண்டும் இணைந்த 'என்னை அறிந்தால்' வெற்றிக் கூட்டணி
- IndiaGlitz, [Sunday,June 04 2017]
பிரபல இயக்குனர் கவுதம்மேனன் தற்போது தனுஷ் நடிக்கும் 'எனை நோக்கி பாயும் தோட்டா' மற்றும் விக்ரம் நடிக்கும் 'துருவ நட்சத்திரம்' ஆகிய இரண்டு படங்களை இயக்கி வருகிறார். இந்த நிலையில் அவர் மேலும் ஒரு புதிய படத்தை இயக்க தொடங்கியுள்ளதாக செய்திகள் வெளிவந்துள்ளது.
'என்னை அறிந்தால்' படத்தில் அஜித்துக்கு இணையாக விக்டர் என்ற வில்லன் கேரக்டரை கொடுத்து அருண்விஜய்யின் திரையுலக வாழ்வில் ஒரு திருப்பத்தை ஏற்படுத்திய கவுதம்மேனன், தற்போது அருண்விஜய் நாயகனாக நடிக்கும் படத்தை இயக்க தொடங்கியுள்ளார்.
இன்னும் டைட்டில் வைக்காத இந்த படத்தின் படப்பிடிப்பு ஊட்டியில் தொடங்கி விறுவிறுப்பாக நடந்து கொண்டிருப்பதாகவும், இந்த படம் குறித்த முறையான அறிவிப்பு இன்னும் ஒருசில நாட்களில் வெளியாகும் என்றும் கூறப்படுகிறது.