ஏ.ஆர்.முருகதாஸ் நாயகனுடன் இணையும் கவுதம் மேனன்?
- IndiaGlitz, [Monday,February 29 2016]
அஜித், த்ரிஷா, அனுஷ்கா நடித்த 'என்னை அறிந்தால்' படத்திற்கு பின்னர் சிம்பு நடிப்பில் 'அச்சம் என்பது மடமையடா' படத்தை இயக்கி வரும் இயக்குனர் கவுதம் மேனன், அந்த படத்தை கிட்டத்தட்ட முடித்துவிட்டார். இந்நிலையில் அடுத்ததாக தனுஷ் நடிக்கும் படத்தை இயக்கவுள்ளதாக ஏற்கனவே அறிவிப்பு வெளிவந்துள்ள நிலையில், ஜெயம் ரவி நடிக்கும் ஒரு படத்தையும் அவர் இயக்க திட்டமிட்டுள்ளார்.
இந்நிலையில் தெலுங்கு சூப்பர் ஸ்டார் மகேஷ்பாபு நடிக்கும் படம் ஒன்றையும் கவுதம் மேனன் இயக்கவுள்ளதாகவும் இந்த படத்தை பிரபல தெலுங்கு தயாரிப்பாளர் அஸ்வினி தத் தயாரிக்கவுள்ளதாகவும் கூறப்படுகிறது. தற்போது 'பிரமோத்சவம்' படத்தை முடிக்கும் நிலையில் உள்ள மகேஷ்பாபு அடுத்து ஏ.ஆர்.முருகதாஸ் இயக்கவுள்ள படத்தில் நடிக்கவுள்ளார். இந்த படத்தை முடித்தவுடன் அவர் கவுதம் மேனன் படத்தில் இணைவார் என எதிர்பார்க்கப்படுகிறது.
கவுதம் மேனனின் ரிச்சான ஸ்டைலும், மகேஷ்பாபுவின் சூப்பர் ஸ்டார் அந்தஸ்தும் இணையும் இந்த படம் மிகப்பெரிய எதிர்பார்ப்பை ஏற்படுத்தும் என கூறப்படுகிறது. இந்த படம் தமிழ், தெலுங்கு என இருமொழிகளில் உருவாக வாய்ப்பு இருப்பதாகவும் கூறப்படுகிறது.