இதுவரை கவுதம் மேனன் இயக்கிய படங்களுக்கு ஹாரிஸ் ஜெயராஜ், ஏ.ஆர்.ரஹ்மான் மற்றும் இசைஞானி இளையராஜா ஆகியோர் இசையமைத்துள்ளனர் என்பது தெரிந்ததே. அந்த வகையில் தற்போது முதல்முறையாக கவுதம் மேனனுடன் ராக்ஸ்டார் அனிருத் இணையவுள்ளார். ஆம், கவுதம் மேனனும், அனிருத்தும் இணைந்து ஒரு திரைப்படத்தின் டிரைலரை வெளியிடவுள்ளனர்

வீரபாகு, மாளவிகா நாயர் நடிப்பில் இயக்குனர் அவினாஷ் ஹரிஹரன் இயக்கத்தில் உருவாகியுள்ள படம் 'அரசியல்ல இதெல்லாம் சாதாரணப்பா'. கடந்த 1992ஆம் ஆண்டு வெளிவந்த 'சூரியன்' என்ற படத்தில் கவுண்டமணி பேசிய புகழ்பெற்ற காமெடி வசனத்தையே டைட்டிலாக கொண்டுள்ள இந்த படம் முழுக்க முழுக்க காமெடியை கொண்டு உருவாகியுள்ளது

இந்த படத்தின் டிரைலர் நாளை மாலை 6 மணிக்கு வெளியாகவுள்ளது. இந்த டிரைலரை இயக்குனர் கவுதம்மேனன் மற்றும் அனிருத் ஆகியோர் தங்கள் டுவிட்டர் பக்கத்தில் வெளியிடவுள்ளதாக அறிவிக்கப்பட்டுள்ளது. இந்த படத்தை ஆரா சினிமாஸ் நிறுவனம் தயாரித்துள்ளது