மலரும் நினைவுகளை பகிர்ந்து கொண்ட சூர்யா-கவுதம் மேனன்
- IndiaGlitz, [Monday,August 01 2016]
பிரபல இயக்குனர் கவுதம் மேனன் இயக்கத்தில் சூர்யா, ஜோதிகா நடித்த 'காக்க காக்க 'திரைப்படம் கடந்த 2003ஆம் ஆண்டு இதே நாளில் (ஆகஸ்ட் 1) வெளிவந்து மாபெரும் வெற்றி பெற்றது.
இந்த படத்தின் 13வது ஆண்டு நாளை சூர்யா ரசிகர்கள் கொண்டாடி வரும் நிலையில் கவுதம் மேனன் தனது சமூக வலைதளத்தில் சூர்யா, ஜோதிகா உள்பட படக்குழுவினர் அனைவருக்கும் நன்றி தெரிவித்துள்ளார்.
இந்த நன்றிக்கு பதில் கூறியுள்ள நடிகர் சூர்யா, 'எனக்கும் ஜோதிகாவுக்கும் இந்த படம் மறக்க முடியாத படம். இந்த ஒரே ஒரு படம் என்னுடைய வாழ்க்கையை முற்றிலும் மாற்றிவிட்டது. நன்றி' என்று கூறியுள்ளார்.
இந்த உரையாடலில் இருந்து 'துருவ நட்சத்திரத்தில் இருந்து பிரிந்த இந்த இருபெரும் மேதைகள் மீண்டும் இணைவார்கள் என்ற நம்பிக்கை ரசிகர்களுக்கு ஏற்பட்டுள்ளது.