தனுஷ் ஒரு பச்சோந்தி, கவனத்தை சிதறவிடும் சிம்பு : கவுதம் மேனன்
- IndiaGlitz, [Thursday,November 17 2016]
தமிழ் திரையுலகில் இருதுருவங்களாக இருப்பதாக கூறப்படும் தனுஷ், சிம்பு ஆகியோர்களின் படங்களை ஒரே நேரத்தில் இயக்கிய பெருமை கவுதம் மேனனுக்கு உண்டு. தனுஷ், சிம்பு ஆகிய இருவர்களுடன் பணிபுரிந்த அனுபவம் குறித்து சமீபத்திய பேட்டி ஒன்றில் கவுதம் மேனன் சில கருத்துக்களை தெரிவித்துள்ளார்.
தனுஷ் எந்த கேரக்டரில் நடிக்கின்றாரோ அந்த கேரக்டராகவே மாறிவிடுபவர். நடிப்பு விஷயத்தில் தனுஷ் ஒரு பச்சோந்தி. சிம்புவும் கேரக்டருக்கு தகுந்தவாறு மாறும் திறமை உள்ளவர் என்றாலும் சில சமயம் அவருடைய கவனம் சிதறிவிடும். இதற்கு சிறு வயதில் இருந்தே ஒரே மாதிரியான கேரக்டரில் அவர் நடித்து வருவதுதான் காரணம். அவரது திறமைக்கு சரியான தீனி போடும் வகையில் அவர் ஒரு ஆக்சன் படத்தில் நடிக்க வேண்டும்' என்று அந்த பேட்டியில் கவுதம் மேனன் கூறியுள்ளார்.
மேலும் சூர்யாவுடன் ஒருசில மனக்கசப்புகள் ஏற்பட்ட போதிலும் அவர் என்றுமே தனது நண்பர்தான் என்றும், விரைவில் அவருடன் இணைந்து பணிபுரிய ஆவலாக இருப்பதாகவும் கூறியுள்ளார்.