கவுதம் கார்த்திக் நடித்த அடல்ட் காமெடி படமான 'இருட்டு அறையில் முரட்டு குத்து' திரைப்படம் பெரும் சர்ச்சையை கிளப்பினாலும் இந்த படம் வசூல் அளவில் மிகப்பெரிய வெற்றிப்படமாக அமைந்தது. இந்த நிலையில் கவுதம் கார்த்திக் நடித்த அடுத்த படத்தின் ரிலீஸ் தேதி அறிவிக்கப்பட்டுள்ளது.

கார்த்திக் மற்றும் கவுதம் கார்த்திக் முதல்முறையாக இணைந்து நடித்த 'Mr.சந்திரமெளலி' திரைப்படம் வரும் ஜூலை மாதம் 6ஆம் தேதி ரிலீஸ் ஆகும் என்று அறிவிக்கப்பட்டுள்ளது. மேலும் ரிலீஸ் தேதியுடன் கூடிய புதிய போஸ்டரும் சமூக வலைத்தளத்தில் சற்றுமுன் வெளியாகி வைரலாகி வருகிறது.

கார்த்திக், கவுதம் கார்த்திக், ரெஜினா, வரலட்சுமி சரத்குமார், சந்தோஷ் பிரதாப், சதீஷ், மகேந்திரன், அகத்தியன், மிமி கோபி உள்பட பலர் நடித்துள்ள இந்த படத்தை திரு இயக்கியுள்ளார். விக்ரம் வேதா' புகழ் சாம் சி.எஸ் இசையமைத்துள்ள இந்த படத்திற்கு ரிச்சர்ட் எம்.நாதன் ஒளிப்பதிவும், சுரேஷ் படத்தொகுப்பும் செய்துள்ளனர்.