தாத்தாவின் பிறந்த நாளில் சிவகுமாருக்கு நன்றி தெரிவித்த கவுதம் கார்த்திக்..!
- IndiaGlitz, [Tuesday,July 04 2023]
பழம்பெரும் நடிகர் முத்துராமன் பிறந்த நாள் இன்று கொண்டாடப்படும் நிலையில் பழம்பெரும் நடிகரும் சூர்யா - கார்த்தியின் தந்தையுமான சிவக்குமாருக்கு முத்துராமனின் பேரனும், கார்த்திக்கின் மகனுமான கவுதம் கார்த்திக் தனது இன்ஸ்டாகிராம் பக்கத்தில் நன்றி தெரிவித்துள்ளார்.
நவரச நாயகன் என்று தமிழ் சினிமாவில் அறியப்பட்டவர் நடிகர் முத்துராமன். இவர் எம்ஜிஆர் சிவாஜி உடன் பல திரைப்படத்தில் குணச்சித்திர வேடத்தில் நடித்துள்ளார் என்பதும் கதாநாயகனாகவும் பல திரைப்படங்களில் நடித்துள்ளார் என்பது குறிப்பிடத்தக்கது.
இந்த நிலையில் இன்று முத்துராமன் பிறந்த நாள் கொண்டாடப்பட்டு வரும் நிலையில் அவரது நினைவுகளை திரையுலகினர் பகிர்ந்து வருகின்றனர். அந்த வகையில் நடிகர் கவுதம் கார்த்திக் தனது தாத்தா மற்றும் சிவக்குமார் இருக்கும் புகைப்படத்தை தனது இன்ஸ்டாகிராமில் பதிவு செய்துள்ளார்
அதில் ’ஒரே ஒரு முறை உங்களை சந்திக்கும் வாய்ப்பு எனக்கு கிடைத்திருக்கலாம், ஆனால் அது நிகழவில்லை. சினிமா துறையில் நான் பயணம் செய்யும்போது உங்களைப் பற்றி நான் ஒவ்வொரு நாளும் பலரிடம் கேட்டு தெரிந்து கொள்கிறேன். எல்லோரும் என்னிடம் சொல்லும் ஒரு விஷயம் நீங்கள் மிகவும் அன்பான மற்றும் அழகான நபராக இருந்திருக்கிறீர்கள் என்று தான். நீங்கள் இல்லாமல், உங்கள் ஆசி இல்லாமல் நான் இங்கே இல்லை, லவ் யூ தாத்தா, பிறந்தநாள் வாழ்த்துக்கள்’ என்று கூறியுள்ளார்
மேலும் இந்த புகைப்படத்தை அனுப்பிய சிவகுமார் அவர்களுக்கு எனது நன்றி என்றும் அவர் கூறியுள்ளார்.