கெளதம் கார்த்திக் - மஞ்சிமா மோகன் திருமண தேதி எப்போது?
- IndiaGlitz, [Saturday,November 12 2022]
தமிழ் திரைஉலகில் ஏற்கனவே பல நட்சத்திர ஜோடிகள் திருமணம் செய்து கொண்டுள்ள நிலையில் சமீபத்தில் கௌதம் கார்த்திக் மற்றும் மஞ்சிமா மோகன் தங்கள் காதலை வெளிப்படுத்தினார் என்பதும் விரைவில் பெற்றோர் சம்மதத்துடன் திருமணம் செய்ய இருப்பதாக அறிவித்தனர் என்பதையும் ஏற்கனவே பார்த்தோம்.
இந்த நிலையில் கௌதம் கார்த்திக் மற்றும் மஞ்சிமா மோகன் திருமண தேதி குறித்த தகவல் தற்போது கசிந்துள்ளது.கௌதம் கார்த்திக் மற்றும் மஞ்சிமா மோகன் திருமணம் நவம்பர் 28ஆம் தேதி நடைபெற உள்ளதாகவும் சென்னையில் திருமணம் நடைபெற அதிக வாய்ப்பு இருப்பதாகவும் கூறப்படுகிறது.
மேலும் சென்னை அல்லது ஊட்டியில் திருமண வரவேற்பு நிகழ்ச்சியை பிரம்மாண்டமாக நடத்தவும் இரு வீட்டினர் திட்டமிட்டுள்ளதாக கூறப்படுகிறது. திருமண தேதி மற்றும் வரவேற்பு தேதி குறித்த அறிவிப்பை இருவீட்டாரும் அதிகாரபூர்வமாக விரைவில் அறிவிப்பார்கள் என்று எதிர்பார்க்கப்படுகிறது.
இதனை அடுத்து காதலர்களான கௌதம் கார்த்திக் மற்றும் மஞ்சிமா மோகன் திருமணத்திற்கு ரசிகர்கள் மற்றும் திரையுலகினர் தங்களது வாழ்த்துக்களை தெரிவித்து வருகின்றனர்.
கௌதம் கார்த்திக் மற்றும் மஞ்சிமா மோகன் ஆகிய இருவரும் 'தேவராட்டம்’ என்ற திரைப்படத்தில் நடித்த போது இருவரும் ஒருவரை ஒருவர் காதலித்தனர் என்பதும் சமீபத்தில்தான் தங்கள் காதலை அதிகாரபூர்வமாக அறிவித்தனர் என்பதும் குறிப்பிடத்தக்கது.