'அச்சம் என்பது மடமையடா' ரிலீஸ் தேதி.
- IndiaGlitz, [Sunday,October 30 2016]
சிம்பு நடிப்பில் கவுதம் மேனன் இயக்கிய 'அச்சம் என்பது மடமையடா' திரைப்படத்தின் ரிலீஸ் தேதியை சிம்பு ரசிகர்கள் ஆவலுடன் எதிர்பார்த்திருக்கும் நிலையில் இந்த படத்தின் ரிலீஸ் தேதி தற்போது அறிவிக்கப்பட்டுள்ளது.
இந்த படத்தின் ரிலீஸ் தேதி நவம்பர் 11 அல்லது 18ஆம் தேதி இருக்கும் என ஏற்கனவே செய்திகள் வெளிவந்த நிலையில் இந்த படம் வரும் நவம்பர் 11ஆம் தேதி ரிலீஸ் ஆகவுள்ளதாக நம்பத்தகுந்த வட்டாரங்களில் இருந்து கூறப்படுகிறது. இதுகுறித்த அதிகாரபூர்வ அறிவிப்பு வெகுவிரைவில் வெளியாகவுள்ளது.
சிம்பு, மஞ்சிமா மோகன், டேனியல் பாலாஜி உள்பட பலர் நடித்துள்ள இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைத்துள்ளார். கவுதம் மேனன் தயாரித்து இயக்கியுள்ள இந்த படம் பெரும் எதிர்பார்ப்பை ஏற்படுத்தியுள்ளது என்பது குறிப்பிடத்தக்கது.