ప్రపంచ సినిమా చరిత్రలో గౌతమీపుత్ర శాతకర్ణి రికార్డ్..!
- IndiaGlitz, [Monday,December 12 2016]
నంద‌మూరి న‌ట సింహం బాల‌కృష్ణ న‌టిస్తున్న ప్ర‌తిష్టాత్మ‌క చిత్రం గౌతమీపుత్ర శాతకర్ణి. జాగ‌ర్ల‌మూడి క్రిష్ తెర‌కెక్కించిన గౌతమీపుత్ర శాతకర్ణి చిత్రం షూటింగ్ పూర్తి చేసుకుని నిర్మాణానంత‌ర కార్య‌క్ర‌మాలు జ‌రుపుకుంటుంది. సంక్రాంతికి ప్రేక్ష‌కుల ముందుకు రానున్న గౌతమీపుత్ర శాతకర్ణి చిత్రం టీజ‌ర్ ను 100 ధియేట‌ర్స్ లో ఒకేసారి రిలీజ్ చేయ‌నున్నారు. ప్రపంచ సినిమా చరిత్రలో ఒక సినిమా ట్రైల‌ర్ ను 100 థియేట‌ర్స్ లో ఒకేసారి రిలీజ్ చేయ‌డం అనేది ఇదే ఫ‌స్ట్ టైమ్ కావ‌డం విశేషం. ఈ మూవీ ప్రీ లుక్, ఫ‌స్ట్ లుక్ కు విశేష స్పంద‌న రావ‌డం...టీజ‌ర్ 3 మిలియ‌న్ వ్యూస్ క్రాస్ చేయ‌డంతో చిత్ర నిర్మాత‌లు ట్రైల‌ర్ లాంఛ్ ను డిఫ‌రెంట్ గా ప్లాన్ చేసారు.
ఈ సంద‌ర్భంగా నిర్మాత‌లు వై.రాజీవ్ రెడ్డి, జాగ‌ర్ల‌మూడి సాయిబాబు మాట్లాడుతూ.... క‌రీంన‌గ‌ర్ జిల్లాలోని కోటిలింగాల‌లో ఈనెల 16న ఈ ట్రైల‌ర్ ను రిలీజ్ చేయ‌నున్నాం. బాల‌కృష్ణ, డైరెక్ట‌ర్ క్రిష్ తో పాటు ఈ చిత్రంలోని యూనిట్ స‌భ్యులు అంద‌రూ కోటిలింగాల‌లోని కోటేశ్వ‌ర స్వామి ప్రత్యేక పూజ‌లో పాల్గొంటారు. ఆత‌ర్వాత అదే రోజు క‌రీంన‌గ‌ర్ లోని శ్రీ తిరుమ‌ల థియేట‌ర్స్ లో సాయంత్రం 5 గంట‌ల‌కు ఈ ట్రైల‌ర్ ను రిలీజ్ చేయ‌నున్నారు. ఆంధ్ర‌ప్ర‌దేశ్, తెలంగాణ రాష్ట్రాల్లో ఈ టైల‌ర్ రిలీజ్ కానున్న 100 థియేట‌ర్స్ లిస్ట్ త్వ‌ర‌లో ఎనౌన్స్ చేయ‌నున్నాం. 100 థియేట‌ర్స్ లో 100 మంది గెస్ట్ లు ఈ ట్రైల‌ర్ ను రిలీజ్ చేయ‌నున్నారు. ప్రపంచ సినిమా చరిత్రలో ఇప్ప‌టి వ‌ర‌కు చేయ‌ని విధంగా జ‌ర‌గ‌నున్న ఈ ఈవెంట్ ను అభిమానులు స‌క్సెస్ చేయాలని కోరుతున్నాం.
బాల‌కృష్ణ త‌ప్ప వేరే ఏ ఆర్టిస్ట్ ఈ క్యారెక్ట‌ర్ ను చేయ‌లేరు. ఆయ‌న స‌పోర్ట్ వ‌ల‌నే ఈ సినిమా అనుకున్న విధంగా పూర్తి చేయ‌గ‌లిగాం. క్రిష్ చాలా త‌క్కువ టైమ్ లోనే ఈ భారీ చిత్రాన్ని పూర్తి చేసాడు. పోస్ట్ ప్రొడ‌క్ష‌న్ వ‌ర్క్ లాస్ట్ స్టేజ్ లో ఉంది. అతి త్వ‌ర‌లో ఫ‌స్ట్ కాపీ రెడీ కానుంది. సంక్రాంతికి ఈ చిత్రాన్ని రిలీజ్ చేస్తున్నాం. ఆడియో ఫంక్ష‌న్ మ‌రి కొన్ని రోజుల్లో చేయ‌నున్నాం. ఎప్పుడు అనేది త్వ‌ర‌లో ఎనౌన్స్ చేస్తాం అన్నారు.