1 మిలియన్ మార్క్ ను అందుకుంటున్న శాతకర్ణి..!
- IndiaGlitz, [Sunday,January 15 2017]
నందమూరి న‌ట సింహం బాలకృష్ణ నటించిన 100వ చిత్రం గౌతమీపుత్ర శాతకర్ణి. జాగ‌ర్ల‌మూడి క్రిష్ ఫస్ట్ ఫ్రేమ్ ఎంటర్ టైన్మెంట్ బ్యానర్ పై ఈ భారీ చిత్రాన్ని తెర‌కెక్కించారు. అత్యంత ప్రతిష్టాత్మకంగా రూపొందించిన గౌతమీపుత్ర శాతకర్ణి చిత్రం సంక్రాంతి కానుక‌గా ఈనెల 12న ప్రపంచ వ్యాప్తంగా రిలీజైంది. బాల‌య్య 100వ సినిమా కావ‌డం, విభిన్న క‌థా చిత్రాల ద‌ర్శ‌కుడు క్రిష్ ఈ చిత్రానికి ద‌ర్శ‌కుడు కావ‌డం..దీనికి తోడు ఇది తెలుగు చ‌క్ర‌వ‌ర్తి క‌థ కావ‌డంతో సినిమా ప్రారంభం నుంచి అటు అభిమానుల్లో, ఇటు ఇండ‌స్ట్రీలోభారీ అంచ‌నాలు ఏర్ప‌డ్డాయి. ఆ అంచ‌నాల‌కు త‌గ్గ‌ట్టు గౌతమీపుత్ర శాతకర్ణి చిత్రం రూపొంద‌డంతో విశేషాద‌ర‌ణ ల‌భిస్తుంది. తెలుగు రాష్ట్రాల్లో తొలి రోజు నుంచి రికార్డ్ స్ధాయి కలెక్షన్స్ వసూలు చేస్తుంది. ఇక ఓవ‌ర్ సీస్ విష‌యానికి వ‌స్తే...ఇప్ప‌టి వ‌ర‌కు ఓవ‌ర్ సీస్ లో బాల‌య్య చిత్రాల‌కు అంత‌గా ఆద‌ర‌ణ ల‌భించ‌లేద‌నే చెప్పాలి. అయితే...గౌతమీపుత్ర శాతకర్ణి చిత్రం మాత్రం రికార్డ్ స్ధాయిలో 1 మిలియన్ మార్క్ ద‌గ్గ‌ర‌కు చేరుకోవ‌డం విశేషం.