గౌతమీపుత్ర శాతకర్ణి లేటెస్ట్ అప్ డేట్స్..
- IndiaGlitz, [Tuesday,August 02 2016]
నంద‌మూరి న‌ట‌సింహం బాల‌కృష్ణ న‌టిస్తున్న వందో చిత్రం గౌతమీపుత్ర శాతకర్ణి. ఈ చిత్రంలో బాల‌య్య స‌ర‌స‌న అందాల తార శ్రియ న‌టిస్తుంది. ఈ చిత్రాన్ని జాగ‌ర్ల‌మూడి క్రిష్ తెర‌కెక్కిస్తున్నారు. అత్యంత ప్ర‌తిష్టాత్మ‌కంగా రూపొందుతున్న ఈ చిత్రం కోసం జార్జియా, మొరాకో లో యుద్ధ స‌న్నివేశాల‌ను చిత్రీక‌రించారు. ఆత‌ర్వాత హైద‌రాబాద్ లో చిలుకూరు బాలాజీ టెంపుల్ ద‌గ్గ‌ర వేసిన ప్ర‌త్యేక‌మైన సెట్ లో యుద్ద స‌న్నివేశాలు చిత్రీక‌రించారు. అయితే...ద‌ర్శ‌కుడు క్రిష్ పెళ్లి కార‌ణంగా షూటింగ్ కు కాస్త బ్రేక్ ఇచ్చారు. క్రిష్ పెళ్లి అనంత‌రం తాజా షెడ్యూల్ ను ఈనెల 20 నుంచి హైద‌రాబాద్ లో ప్లాన్ చేస్తున్నారు. ఆత‌ర్వాత సెప్టెంబ‌ర్ 1 నుంచి మ‌ధ్యప్ర‌దేశ్ లో షూటింగ్ చేయ‌నున్నారు. ఈ భారీ చిత్రాన్ని సంక్రాంత కానుక‌గా జ‌న‌వ‌రి 12న ప్ర‌పంచ వ్యాప్తంగా రిలీజ్ చేయ‌నున్నారు.