గౌత‌మీపుత్ర శాత‌క‌ర్ణి లేటెస్ట్ న్యూస్..
- IndiaGlitz, [Tuesday,June 14 2016]
నంద‌మూరి న‌టి సింహం బాల‌కృష్ణ న‌టిస్తున్న‌ప్ర‌తిష్టాత్మ‌కం చిత్రం గౌత‌మీపుత్ర శాత‌క‌ర్ణి. ఈ చిత్రాన్ని క్రిష్ తెర‌కెక్కిస్తున్నారు. మొద‌టి షెడ్యూల్ లో మొరాకోలో యుద్ధ స‌న్నివేశాల‌ను చిత్రీక‌రించారు. రెండ‌వ షెడ్యూల్ లో కూడా హైద‌రాబాద్ చిలుకూరు బాలాజీ టెంపుల్ ద‌గ్గ‌ర వేసిన ప్ర‌త్యేక‌మైన సెట్ లో యుద్ద స‌న్నివేశాల‌నే చిత్రీక‌రించారు.
ఈనెల 20న ప్రారంభం కానున్న మూడ‌వ షెడ్యూల్ లో కూడా చిలుకూరు బాలాజీ టెంపుల్ ద‌గ్గ‌ర ప్ర‌త్యేకంగా రూపొందించిన సెట్ లోనే భారీ యుద్ద స‌న్నివేశాల‌ను చిత్రీక‌రించ‌నున్నార‌ని స‌మాచారం. 200 మంది ఫారిన్ ఫైట‌ర్స్ తో ఫైట్ మాస్ట‌ర్స్ రామ్ ల‌క్ష్మ‌ణ్ నేతృత్వంలో ఈ భారీ ఎపిసోడ్ ను చిత్రీక‌రించ‌నున్నారు. వ‌రుస‌గా మూడు షెడ్యూల్స్ లోను యుధ్ద స‌న్నివేశాల‌ను చిత్రీక‌రించ‌డానికి కారణం...ఈ చిత్రంలో యుద్ద స‌న్నివేశాలు ఎక్కువుగా ఉండ‌డం..వాటికి త‌గిన విధంగా గ్రాఫిక్స్ వ‌ర్క్ చేయ‌డానికి ఎక్కువ స‌మ‌యం ప‌డుతుండ‌డంతో ఈ స‌న్నివేశాల‌ను ముందుగా పూర్తి చేయాల‌నుకుంటున్నార‌ట. ఇక బాహుబ‌లి మూవీకి సి.జి వ‌ర్క్ చేసిన మ‌కుట సంస్థ ఈ చిత్రానికి కూడా వ‌ర్క్ చేస్తుండ‌డం విశేషం. ప్రస్తుతం అమెరికాలో ఉన్న బాల‌య్య రేపు ఉద‌యం హైద‌రాబాద్ చేర‌కుంటార‌ని స‌మాచారం.