నంద‌మూరి న‌ట సింహం బాల‌కృష్ణ న‌టించిన 100వ చిత్రం గౌత‌మీపుత్ర శాత‌క‌ర్ణి. ఫ‌స్ట్ ఫ్రేమ్ ఎంట‌ర్ టైన్మెంట్ బ్యానర్ పై జాగ‌ర్ల‌మూడి క్రిష్ ఈ చిత్రాన్ని తెర‌కెక్కించారు. ఈ చిత్రంలో బాల‌య్య స‌ర‌స‌న శ్రియ న‌టించింది. ఇక ఈ ప్ర‌తిష్టాత్మ‌క చిత్రం ఈరోజు సెన్సార్ కార్య‌క్ర‌మాల‌ను పూర్తి చేసుకుంది. ఈ చిత్రానికి సెన్సార్ బోర్డ్ యు/ఎ స‌ర్టిఫికెట్ ఇచ్చింది.

ఇదిలా ఉంటే....ఈనెల 8న 100 థియేట‌ర్స్ లో గౌత‌మీపుత్ర శాత‌క‌ర్ణి ప‌తాకోత్స‌వం ఘ‌నంగా నిర్వ‌హించ‌డానికి ప్లాన్ చేస్తున్నారు. 8వ తారీఖు సాయంత్రం 5.40 నిమిషాల‌కు విశాఖ‌ప‌ట్నంలోని జ్యోతి థియేట‌ర్ లో బాల‌కృష్ణ ప‌తాకోత్స‌వాన్ని ప్రారంభించ‌నున్నారు. మిగిలిన 99 థియేట‌ర్స్ లో అభిమానులు ప‌తాకోత్స‌వాన్ని నిర్వ‌హించ‌నున్నారు.అభిమానులు ఎప్పుడెప్పుడా అని ఆస‌క్తిగా ఎదురు చూస్తున్న‌ ఈ భారీ చిత్రాన్ని ప్ర‌పంచ వ్యాప్తంగా ఈనెల 12న రిలీజ్ చేయ‌నున్నారు.