గౌతమీపుత్ర శాతకర్ణి బిజినెస్ డీటైల్స్..!
- IndiaGlitz, [Saturday,October 29 2016]
నంద‌మూరి న‌ట‌సింహం బాల‌కృష్ణ న‌టిస్తున్న వంద‌వ చిత్రం గౌతమీపుత్ర శాతకర్ణి. ఈ చిత్రాన్ని జాగ‌ర్ల‌మూడి క్రిష్ తెర‌కెక్కిస్తున్నారు. బిబో శ్రీనివాస్ స‌మ‌ర్ప‌ణ‌లో వై.రాజీవ్ రెడ్డి, జాగ‌ర్ల‌మూడి సాబాబు సంయుక్తంగా ఈ చిత్రాన్ని నిర్మిస్తున్నారు. ఈ సినిమా ప్రారంభమైన‌ప్ప‌టి నుంచి అటు అభిమానుల్లోను, ఇటు ఇండ‌స్ట్రీలోను భారీ క్రేజ్ ఏర్ప‌డింది. డిస్ట్రిబ్యూట‌ర్స్ కూడా ఈ ప్ర‌తిష్టాత్మ‌క చిత్రం గురించి పోటీప‌డి రైట్స్ సొంతం చేసుకున్నారు. తెలుగు రాష్ట్రాల్లోని అన్ని ఏరియాల్లో బిజినెస్ పూర్తి చేసుకోవ‌డం విశేషం.
బాల‌య్య లుక్, టీజ‌ర్ సినిమా పై మ‌రింత ఇంట్ర‌స్ట్ పెంచేసింది. గౌతమీపుత్ర శాతకర్ణి బిజినెస్ పూర్త‌యిన సంద‌ర్భంగా ఏరియా వైజ్ ఈ మూవీ రైట్స్ ఎవ‌రెవ‌రు ద‌క్కించుకున్నారు వారి వివ‌రాల‌ను నిర్మాత తెలియ‌చేసారు. నైజాం - గ్లోబ‌ల్ సినిమాస్ సుధాక‌ర్ రెడ్డి, సీడెడ్ - వారాహి సాయి కొర్ర‌పాటి, వైజాగ్ - వారాహి సాయి కొర్ర‌పాటి, ఈస్ట్ - వారాహి సాయి కొర్ర‌పాటి, సురేష్ మూవీస్, వెస్ట్ - ఎల్.వి.ఆర్, కృష్ణ - బాకేరి ప్ర‌సాద్, నెల్లూరు - భ‌ర‌త్, గుంటూరు - ఎస్.మూవీస్ సుధాక‌ర్ ద‌క్కించుకున్నారు. దీపావ‌ళి కానుక‌గా బాల‌య్య న్యూలుక్ రేపు రిలీజ్ చేయ‌నున్నారు. ఇక అత్యంత ప్ర‌తిష్టాత్మ‌క‌మైన ఈ చిత్రాన్నిసంక్రాంతి కానుక‌గా జ‌న‌వ‌రి 12న రిలీజ్ చేయ‌డానికి ప్లాన్ చేస్తున్నారు.