న‌ట‌సింహ నంద‌మూరి బాల‌కృష్ణ న‌టించిన 100వ చిత్రం గౌత‌మిపుత్ర శాత‌క‌ర్ణి సంక్రాంతి సంద‌ర్భంగా బ‌రిలో దిగ‌నుంది. ప్ర‌స్టీజియ‌స్‌గా రూపొందుతోన్న ఈ చిత్రంలో హేమామాలిని, శ్రియా శ‌ర‌న్‌లు న‌టిస్తున్నారు. తెలుగు చ‌క్ర‌వ‌ర్తి గౌత‌మిపుత్ర శాత‌క‌ర్ణి జీవిత‌క‌థ నేప‌థ్యంలో రానున్న ఈ సినిమాపై భారీ అంచ‌నాలు నెల‌కొంది. ట్రైల‌ర్ విడుద‌ల త‌ర్వాత ఈ అంచ‌నాలు రెట్టింపు అయ్యాయి. ట్రైల‌ర్‌లోని విజువ‌ల్స్ గ్రాండ్‌నెస్ చూసి ప్రేక్ష‌కులు అప్రిసియేట్ చేస్తున్నారు. అస‌లు విష‌య‌మేమంటే సినిమాను 72 రోజుల్లో పూర్తి చేశాడ‌ట‌.

ఇంత త‌క్కువ టైంలో ఇంత మంచి అవుట్‌పుట్‌తో సినిమా తీయ‌డానికి క్రిష్ అండ్ టీం ఎంత ఖ‌ర్చు చేసిందోన‌ని టాక్ మొద‌లైంది. అయితే ఈ సినిమాకు 55 కోట్లు మాత్ర‌మే ఖ‌ర్చ‌య్యింద‌ట‌. బాల‌కృష్ణ కెరీర్‌లోనే అత్య‌ధిక బ‌డ్జెట్ చిత్ర‌మిదేన‌ట‌. అలాగే క్రిష్ కూడా ఇంత భారీ మొత్తంలో ఖ‌ర్చు పెట్ట‌డం కూడా మొద‌టిసారి. సినిమా ట్రైల‌ర్ చూస్తుంటే క్రిష్ ఖ‌ర్చు పెట్టిందే త‌క్కువే అంటున్నారు. ఇంత త‌క్కువ మొత్తంలో ఇంత మంచి క్వాలిటీ తీసుకురావ‌డం గ్రేట్ అని కూడా అంటున్నారు. మొత్తం మీద క్రిష్ త‌న సినిమాపై అంచ‌నాలు పెంచేలా చేయ‌డంలో స‌క్సెస్ అయ్యాడు.