తిరుపతిలో గౌతమీపుత్ర శాతకర్ణి ఆడియో రిలీజ్ డీటైల్స్..!
- IndiaGlitz, [Monday,December 05 2016]
నంద‌మూరి న‌ట‌సింహం బాల‌కృష్ణ న‌టిస్తున్నవందో చిత్రం గౌతమీపుత్ర శాతకర్ణి. ఈ చిత్రాన్ని జాగ‌ర్ల‌మూడి క్రిష్ తెర‌కెక్కిస్తున్నారు. ఈ చిత్రంలో అందాల తార శ్రియ క‌థానాయిక‌గా న‌టించింది. గౌతమీపుత్ర శాతకర్ణి పాట‌ల‌ను ఈనెల 16న తిరుపతిలో రిలీజ్ చేసేందుకు ప్లాన్ చేస్తున్నారు. ఈ ఆడియో వేడుక‌కు ఆంధ్ర‌ప్ర‌దేశ్ ముఖ్య‌మంత్రి నారా చంద్ర‌బాబు ముఖ్య అతిధిగా హాజ‌రు కానున్నారు.
చిత్ర నిర్మాత రాజీవ్ రెడ్డి తిరుపతిలో ఆడియో రిలీజ్ విశేషాల‌ను తెలియ‌చేస్తూ...అత్యంత ప్ర‌తిష్టాత్మ‌కంగా నిర్మించిన గౌతమీపుత్ర శాతకర్ణి పాట‌ల‌ను భారీ స్ధాయిలో రిలీజ్ చేసేందుకు ప్లాన్ చేస్తున్నాం. ఈనెల 16న జరిగే ఈ వేడుక‌కు సి.ఎం చంద్ర‌బాబు నాయుడు ముఖ్య అతిథిగా వ‌స్తున్నారు. ఆంధ్ర‌ప్ర‌దేశ్ రాజ‌ధాని అమ‌రావ‌తిలో గౌతమీపుత్ర శాతకర్ణి చిత్రాన్ని ప్ర‌క‌టించి...తెలంగాణ రాజ‌ధాని హైద‌రాబాద్ లో ఈ చిత్రాన్నిప్రారంభించాం. ఇప్పుడు ఆడియోను శ్రీవారి పాదాల చెంత తిరుపతిలో చేయ‌డం అదృష్టంగా భావిస్తున్నాం అన్నారు.