27 வருடங்களுக்கு பின் ரீஎண்ட்ரி ஆகும் இயக்குனரின் படத்தில் பிக்பாஸ் நடிகர்!
- IndiaGlitz, [Sunday,September 08 2019]
கடந்த 1987ஆம் ஆண்டு அமலா நடித்த ‘கவிதை பாட நேரமில்லை’ மற்றும் 1992 ஆம் ஆண்டு ‘மாதங்கள் ஏழு’ ஆகிய படங்களை இயக்கியவர் இயக்குனர் யூகிசேது. அதன்பின் அவர் விஜயகாந்தின் ‘ரமணா’, கமல்ஹாசனின் ‘பஞ்ச தந்திரம் போன்ற படங்களில் நடித்தாலும் படங்கள் இயக்கவில்லை.
இந்த நிலையில் 27 வருடங்கள் கழித்து மீண்டும் ஒரு படத்தை இயக்கவுள்ளார் யூகிசேது. இந்த படத்தில் பிக்பாஸ் முதல் சீசனின் போட்டியாளரும் நடிகருமான கணேஷ் வெங்கட்ராமன் முக்கிய வேடத்தில் நடிக்கவுள்ளார். இதனை கணேஷ் வெங்கட்ராமன் தனது சமூக வலைத்தள பக்கத்தில் புகைப்படத்துடன் உறுதி செய்துள்ளார்.
லண்டனில் படமாக்கப்படவுள்ள இந்த படத்தின் லொகேஷன் பார்க்கும் பணிகள் நடந்து வருவதாகவும், விரைவில் இந்த படத்தின் முழு தகவல்களுடன் கூடிய அறிவிப்பு வெளிவரும் என்றும் கூறியுள்ள கணேஷ், ’யூகிசேதுவின் காமெடி கலந்த திரைக்கதை தன்னை மிகவும் கவர்ந்ததாகவும், அவருடன் பணிபுரிவது தனக்கு ஒரு நல்ல அனுபவமாக இருக்கும் என கருதுவதாகவும் தெரிவித்துள்ளார்.