గంభీర్ ను చంపుతామంటూ బెదిరింపు కాల్స్
- IndiaGlitz, [Saturday,December 21 2019]
టీమిండియా మాజీ క్రికెటర్, బీజేపీ ఎంపీ గౌతం గంభీర్ కు బెదిరింపు కాల్స్ వచ్చాయ్. తనను, తన కుటుంబాన్ని చంసేస్తామంటూ ఇంటర్నేషనల్ నెంబర్ల నుంచి కాల్స్ వస్తున్నాయని పోలీసులను ఆశ్రయించాడు గంభీర్. తమకు రక్షణ కల్పించాలని కోరిన గంభీర్ ... దీనిపై ఎఫ్ఐఆర్ నమోదు చేసి దర్యాప్తు చేపట్టాలని ఫిర్యాదులో పేర్కొన్నారు. ఈ మేరకు డీసీపీకి లేఖ రాశారు.
కాగా... గౌతం గంభీర్ ఏ అంశంపై అయినా నిర్మోహమాటంగా అభిప్రాయం వెల్లడిస్తుంటారు. ఉన్నది ఉన్నట్లు మాట్లాడే ముక్కుసూటి వ్యక్తి. కాగా... గంభీర్ గత ఎన్నికల్లో పోటీ చేసి ఢిల్లీ తూర్పు నియోజకవర్గం నుంచి ఎంపీగా ఘనవిజయం సాధించారు.