'ரெமோ'வில் இணைந்த தனுஷ் பட பாடகர்
- IndiaGlitz, [Saturday,June 04 2016]
தனுஷ் நடித்த அனேகன்' படத்தில் இடம்பெற்ற 'தங்கமாரி ஊதாரி' பாடல் பட்டிதொட்டியெங்கும் பிரபலமாகியது என்பதும் இந்த படத்தின் வெற்றிக்கு இந்த பாடலும் ஒரு காரணம் என்பதும் அனைவரும் அறிந்ததே. இந்த பாடலை மரணகானா விஜி பாடியிருந்தார்.
இந்நிலையில் தற்போது சிவகார்த்திகேயன் நடித்து வரும் 'ரெமோ' படத்திலும் மரணகானா விஜி ஒரு பாடலை பாடியுள்ளார். இந்த பாடல் சமீபத்தில் ஒலிப்பதிவு செய்யப்பட்டதாக செய்திகள் வெளிவந்துள்ளது. இந்த பாடலின் ஒலிப்பதிவின்போது எடுக்கப்பட்ட புகைப்படமும் தற்போது சமூக இணையதளங்களில் வைரலாக பரவி வருகிறது.
'தங்கமாரி' பாடல் போலவே இந்த பாடலும் சூப்பர் ஹிட் ஆகும் என்று எதிர்பார்க்கப்படுகிறது. 24 ஏஎம் ஸ்டுடியோஸ் ஆர்.டி.ராஜா தயாரித்து வரும் இந்த படத்தில் சிவகார்த்திகேயன், கீர்த்திசுரேஷ், சதீஷ், கே.எஸ்.ரவிகுமார் உள்பட பலர் நடித்து வருகின்றனர். இந்த படத்திற்கு பி.சி.ஸ்ரீராம் ஒளிப்பதிவும், ரூபன் படத்தொகுப்பும் செய்து வருகின்றனர். பாக்யராஜ் கண்ணன் இயக்கி வரும் இந்த படம் பெரும் எதிர்பார்ப்பை ஏற்படுத்தியுள்ளது என்பது குறிப்பிடத்தக்கது.