சூர்யா-சுதா இணையும் படத்தின் இசையமைப்பாளர் குறித்த தகவல்
- IndiaGlitz, [Monday,July 03 2017]
சூர்யா நடிப்பில் விக்னேஷ் சிவன் இயக்கி வரும் 'தானா சேர்ந்த கூட்டம்' படத்தின் படப்பிடிப்பு இறுதிக்கட்டத்தை நோக்கி சென்று கொண்டிருக்கின்றது. இந்த படத்தின் ஃபர்ஸ்ட்லுக் இவ்வாரம் வெளியாகும் என்றும் இதனையடுத்து டீசர், பாடல்கள் அடுத்தடுத்து வெளியிடவும் படக்குழு திட்டமிட்டுள்ளது.
இந்த நிலையில் 'தானா சேர்ந்த கூட்டம்' படத்தை அடுத்து 'இறுதிச்சுற்று' இயக்குனர் சுதா கொங்காரா இயக்கத்தில் சூர்யா ஒரு படத்தில் நடிக்கவுள்ளதாக செய்திகள் வெளியாகின. தற்போது இந்த படத்தின் இசையமைப்பாளர் குறித்த தகவல் வெளிவந்துள்ளது. இந்த படத்திற்கு ஜி.வி.பிரகாஷ் இசையமைக்கவுள்ளதாக கூறப்படுகிறது.
இந்த தகவல் உறுதி செய்யப்படும் பட்சத்தில் சூர்யாவின் படத்திற்கு ஜி.வி.பிரகாஷ் முதன்முதலாக இசையமைக்கின்றார் என்பது குறிப்பிடத்தக்கது. இதுகுறித்த அறிவிப்பு இன்னும் சில நாட்களில் வெளிவரவுள்ளதாகவும், இந்த படத்தின் மற்ற தகவல்களுடன் கூடிய அதிகார்பூர்வ அறிவிப்பு விரைவில் வெளிவரும் என்றும் கூறப்படுகிறது.