ஜி.வி.பிரகாஷின் அடுத்த பட டைட்டில் மற்றும் இயக்குனர்
- IndiaGlitz, [Tuesday,October 11 2016]
பிரபல இசையமைப்பாளரான ஜி.வி.பிரகாஷ், தற்போது கிட்டத்தட்ட முழுநேர நடிகராக மாறிவிட்டதோடு முன்னணி நடிகர்களுக்கு போட்டியை ஏற்படுத்தும் அளவுக்கு வளர்ந்து வருகிறார்.
ஜி. வி.பிரகாஷ் நடித்த 'கடவுள் இருக்கான் குமாரு' படம் விரைவில் வெளிவரவுள்ளது. மேலும் அவர் புரூஸ்லீ, ராஜீவ் மேனன் இயக்கும் படம் ஆகியவற்றில் நடித்து கொண்டிருக்கும் நிலையில் இன்று அவர் நடிக்கவுள்ள இன்னொரு படத்தின் பூஜை போடப்பட்டுள்ளது.
இந்த படத்திற்கு '4G' என்ற டைட்டில் வைக்கப்பட்டுள்ளது. பிரமாண்ட இயக்குனர் ஷங்கரின் உதவியாளர் அருண்பிரசாத் இயக்கவுள்ள இந்த படத்தை சி.வி.குமார் தயாரிக்கின்றார். ஃபேண்டஸி ரொமான்ஸ் படமாக அமையவுள்ள இந்த படத்தின் முக்கிய வேடத்தில் சதீஷ் நடிக்கின்றார் என்பது குறிப்பிடத்தக்கது.