கோலிவுட் திரையுலகில் அதிக படங்களில் நடித்து கொண்டிருக்கும் நடிகர்களில் ஒருவர் ஜி.வி.பிரகாஷ். நடிப்பு மட்டுமின்றி இசைத்துறையிலும் ஈடுபட்டு வரும் ஜி.வி.பிரகாஷ் ஏற்கனவே 'அடங்காதே', '4G', 'ஐங்கரன்', 'நாச்சியார்', 'செம', '100% காதல்', போன்ற படங்களில் நடித்து வருகிறார்.

இந்த நிலையில் 'ஈரம்', 'ஆறுவது சினம்' 'குற்றம் 23' போன்ற வெற்றி படங்களை இயக்கிய இயக்குனர் அறிவழகன் இயக்கும் அடுத்த படத்தில் நடிக்க ஜி.வி.பிரகாஷ் ஒப்பந்தமாகியுள்ளதாக செய்திகள் வெளிவந்துள்ளது. அறிவழகனின் மூன்று படங்களுமே த்ரில் படங்கள் என்பதால் இந்த படமும் திகில் படமாகவே இருக்கும் என்று எதிர்பார்க்கப்படுகிறது.

இந்த படத்தின் ஆரம்பகட்ட பணிகள் விரைவில் தொடங்கவுள்ளதாகவும், இந்த படத்தில் ஜி.வி.பிரகாஷூக்கு ஜோடியாக நடிக்கும் நடிகை உள்பட பிற நடிகர்கள் மற்றும் தொழில்நுட்ப கலைஞர்களின் தேர்வு விரைவில் நடைபெறும் என்றும் இந்த படம் குறித்த அதிகாரபூர்வ அறிவிப்பு இன்னும் சில நாட்களில் வெளிவரும் என்றும் கூறப்படுகிறது.