சென்னையில் 30ஆம் தேதி வரை முழு பொதுமுடக்கம்: தமிழக அரசு அறிவிப்பு
- IndiaGlitz, [Monday,June 15 2020]
சென்னையில் வரும் 19-ம் தேதி முதல் முழு ஊரடங்கு என தமிழக அரசு சற்றுமுன் அறிவித்துள்ளது. ஜூன் 19ஆம் தேதி அதிகாலை 12 மணி முதல் ஜூன் 30ஆம் தேதி வரை சென்னை மற்றும் திருவள்ளூர் காஞ்சிபுரம் செங்கல்பட்டு மாவட்டங்களில் முழு ஊரடங்கு என அறிவிக்கப்பட்டுள்ளது
இந்த முழு ஊரடங்கின்போது சென்னையில் காலை 6 மணி முதல் மதியம் 2 மணி வரை மட்டுமே கடைகள் திறந்திருக்கும் என்றும், சென்னை, திருவள்ளூர், காஞ்சிபுரம், செங்கல்பட்டு மாவட்டங்களில் தேநீர் கடைகள் இயங்க அனுமதி கிடையாது என்றும், ஓட்டல்களில் பார்சல் மட்டுமே அனுமதி என்றும் தமிழக அரசு அறிவித்துள்ளது. மேலும் சரக்கு போக்குவரத்து, அத்தியாவசிய பொருட்களை கொண்டு செல்ல எந்த தடையும் இல்லை என்றும் அறிவிக்கப்பட்டுள்ளது.