முழுநீள காமெடி பேய்ப்படத்தில் வடிவேலு
- IndiaGlitz, [Thursday,January 12 2017]
வைகைப்புயல் வடிவேலுவின் காமெடியுடன் கூடிய 'கத்திச்சண்டை' சமீபத்தில் வெளியாகிய நிலையில் தற்போது மீண்டும் படம் முழுவதும் வரும் முக்கிய காமெடி கேரக்டரில் வடிவேலு நடிக்கவுள்ளார். 'நீயும் நானும் நடுவுல பேயும்' என்ற டைட்டிலில் உருவாகும் இந்த படத்தில் 'எல்லாம் அவன் செயல்' நாயகன் ஆர்கே ஹீரோவாக நடிக்க, அவருடன் படம் முழுவதும் வரும் காமெடி கேரக்டரில் வடிவேலு நடிக்க தற்போது ஒப்பந்தமாகியுள்ளார்.
ஆர்கே தயாரிக்கும் இந்த படத்தை இயக்குனர் எஸ்.என். சக்திவேல் இயக்குகிறார். இவர் ஏற்கனவே 'தண்ணில கண்டம்' படத்தை இயக்கியவர் என்பது குறிப்பிடத்தக்கது. 'எல்லாம் அவன் செயல்' படத்தின் ஒளிப்பதிவாளர் ராஜரத்தினம் ஒளிப்பதிவு செய்யும் இந்த படத்தின் மற்ற தொழில்நுட்ப கலைஞர்கள் தேர்வு நடைபெற்று வருகிறது.
மேலும் இந்த படத்தின் நாயகியாக நடிக்க பிரபல நடிகை ஒருவரிடம் பேச்சுவார்த்தை நடந்து வருவதாகவும், இதுகுறித்த அறிவிப்பு மிக விரைவில் வெளிவரவுள்ளதாகவும் படக்குழுவினர் தெரிவித்துள்ளனர்.
இந்நிலையில் ஆர்கே, நீதுசந்திரா நடித்த 'வைகை எக்ஸ்பிரஸ்' திரைப்படம் அடுத்த மாதம் வெளியாகவுள்ளது.