இன்று முதல் அஜித்தின் அடுத்த பட பணி ஆரம்பமா?
- IndiaGlitz, [Monday,August 13 2018]
தல அஜித் நடிப்பில் இயக்குனர் சிவா இயக்கி வரும் 'விசுவாசம்' படத்தின் படப்பிடிப்பு ஒருபக்கம் விறுவிறுப்பாக நடந்து கொண்டிருந்தாலும், இன்னொரு பக்கம் அவர் நடிக்கவுள்ள அடுத்த படம் குறித்த இறுதிக்கட்ட பேச்சுவார்த்தை நடந்து வருகிறது.
அஜித்தின் அடுத்த படத்தை 'தீரன் அதிகாரம் ஒன்று' பட இயக்குனர் எச்.வினோத் இயக்கவுள்ளதாகவும் இந்த படத்தை மறைந்த நடிகை ஸ்ரீதேவியின் கணவர் போனிகபூர் தயாரிக்கவுள்ளதாகவும் வெளிவந்து கொண்டிருந்த செய்திகளை ஏற்கனவே பார்த்தோம்
இந்த நிலையில் இன்று மறைந்த நடிகை ஸ்ரீதேவியின் பிறந்த நாள் என்பதால் இன்று அஜித்தின் அடுத்த படத்தின் பணிகளை தயாரிப்பாளர் போனிகபூர் தொடங்கவுள்ளதாக செய்திகள் வெளிவந்துள்ளது. 'இங்கிலீஷ் விங்கிலீஷ்' படத்தில் ஸ்ரீதேவியுடன் நடித்தபோதே அவரது தயாரிப்பில் ஒரு படத்தில் நடிக்க அஜித் கொடுத்த வாக்குறுதியை தற்போது நிறைவேற்றுகிறார் என்று கூறப்படுகிறது. இந்த படத்தின் அதிகாரபூர்வ அறிவிப்பு மிகவிரைவில் வெளிவரும் என்று எதிர்பார்க்கப்படுகிறது.