14కి 14 ఏళ్లు అంటున్న నితిన్..
- IndiaGlitz, [Tuesday,June 14 2016]
నితిన్ న‌టించిన తొలి చిత్రం జ‌యం. తేజ దర్శకత్వంలో రూపొందిన జ‌యం చిత్రం 2002 జూన్ 14న రిలీజైంది. అంటే జ‌యం చిత్రం రిలీజై నేటికి స‌రిగ్గా 14 ఏళ్లు అయ్యింది. జ‌యం చిత్రంతో తొలి ప్ర‌య‌త్నంలోనే విజ‌యం సాధించిన నితిన్ ఆత‌ర్వాత దిల్, సై చిత్రాల‌తో వ‌రుస విజ‌యాలు సాధించి మంచి గుర్తింపు ఏర్ప‌రుచుకున్నాడు. అయితే ఆత‌ర్వాత మాస్ లో ఫాలోయింగ్ కోసం ప్ర‌య‌త్నించి స‌క్సెస్ సాధించ‌లేక‌పోయిన నితిన్ 8 ఏళ్ల త‌ర్వాత ఇష్క్ చిత్రంతో స‌క్సెస్ ట్రాక్ లోకి వ‌చ్చాడు.
ఇక ఇష్క్ తో ప్రారంభ‌మైన నితిన్ సెకండ్ ఇన్నింగ్స్ లో వ‌రుస విజ‌యాలు సాధిస్తూ యూత్ లో మంచి క్రేజ్ ఏర్ప‌రుచుకున్నాడు. ఇటీవ‌ల అ ఆ చిత్రంతో ఘ‌న విజ‌యం సాధించి స‌క్సెస్ సంతోషంలో ఉన్న నితిన్ ఇండ‌స్ట్రీలో ఎంట్రీ ఇచ్చి 14 ఏళ్లు పూర్త‌యిన సంద‌ర్భంగా ట్విట్ట‌ర్ లో స్పందిస్తూ...14 ఏళ్ల క్రితం జ‌యం చిత్రం ద్వారా వెంక‌ట్ అనే పాత్ర ద్వారా ప‌రిచ‌యం అయ్యాను. ఈ 14 ఏళ్లు అద్భుత‌మైన జ‌ర్నీ. ఈ సంద‌ర్భంగా న‌న్ను హీరోగా ప‌రిచ‌యం చేసిన తేజ గార్కి, న‌న్నుఎంత‌గానో స‌పోర్ట్ చేస్తున్న ఫ్యాన్స్ కి థ్యాంక్స్ అంటూ సంతోషాన్ని పంచుకున్నారు నితిన్.