மதராசபட்டிணம் மூலம் தமிழ் ரசிகர்களின் கவனத்தை கவர்ந்த இயக்குனர் விஜய் அதன்பின்னர் இயக்கிய தெய்வத்திருமகள்', 'தாண்டவன்', 'தலைவா' 'சைவம்' மற்றும் 'இது என்ன மாயம்' ஆகிய படங்களை இயக்கினார். மதராசப்பட்டிணம் முதல் இது என்ன மாயம் வரை இவரது அனைத்து படங்களுக்கும் ஜி.வி.பிரகாஷ்தான் இசையமைத்தார் என்பது குறிப்பிடத்தக்கது.

இந்நிலையில் .விஜய் இயக்கவுள்ள அடுத்த படத்தில் பிரபுதேவா, தமன்னா, சோனுசூட் ஆகியோர் நடிக்கவுள்ளதாக செய்திகள் வெளிவந்தது. இந்த படத்திற்கு ஜி.வி.பிரகாஷ் இசையமைக்கவில்லை என்றும் அவருக்கு பதிலாக இந்த படத்தில் நான்கு இசையமைப்பாளர்கள் பணிபுரியவுள்ளதாகவும் கூறப்படுகிறது.

நகர்ப்புறத்தில் வாழும் தம்பதிகளின் வாழ்க்கை குறித்து விஜய் இந்த படத்தில் விளக்கவுள்ளதாகவும், இந்த படத்தின் படப்பிடிப்பு மும்பை, புனே மற்றும் ஆந்திரபிரதேச மாநிலத்தில் நடத்த திட்டமிட்டுள்ளதாகவும் கூறப்படுகிறது.