4 லொகேஷன் ரெடி.. 'சூர்யா 43' படப்பிடிப்பு எப்போது? கசிந்த தகவல்..!
- IndiaGlitz, [Saturday,February 24 2024]
நடிகர் சூர்யா நடிப்பில், சுதா கொங்காரா இயக்கத்தில் உருவாக இருக்கும் திரைப்படத்தின் அறிவிப்பு சமீபத்தில் வெளியான நிலையில் இந்த படத்தின் படப்பிடிப்பு நான்கு இடங்களில் நடைபெற இருப்பதாகவும் வரும் மார்ச் மாதம் படப்பிடிப்பை தொடங்க அனைத்து ஏற்பாடுகளும் தயார் நிலையில் இருப்பதாகவும் தகவல் வெளியாகி உள்ளது.
நடிகர் சூர்யா தற்போது சிறுத்தை சிவா இயக்கத்தில் உருவாகி வரும் ’கங்குவா’ என்ற படத்தில் நடித்து முடித்துவிட்டு தற்போது அந்த படத்திற்கான டப்பிங் பணியில் உள்ளார். இந்த படத்தின் பணிகளை முடித்தவுடன் அவர் சுதா கொங்கரா இயக்கத்தில் உருவாக இருக்கும் ‘சூர்யா 43’ படத்தின் படப்பிடிப்பில் கலந்து கொள்ள உள்ளார் என்பதும் முதல் கட்ட படப்பிடிப்பு மதுரையில் நடைபெற இருப்பதாகவும் அதற்கான முழு ஏற்பாடும் தற்போது தயாராக இருப்பதாக கூறப்படுகிறது.
மார்ச் 1ஆம் தேதி முதல் மதுரையில் இந்த படத்தின் படப்பிடிப்பு தொடங்க இருக்கும் நிலையில் இதையடுத்து திருச்சி, சிதம்பரம் ஆகிய பகுதிகளில் அடுத்தடுத்த படப்பிடிப்பு நடைபெறும் என்றும் 4ஆம் கட்ட படப்பிடிப்பு ஹரியானா மாநிலத்தில் உள்ள ரேவாரி என்ற பகுதியில் நடைபெற இருப்பதாகவும் கூறப்படுகிறது.
இசையமைப்பாளர் ஜிவி பிரகாஷின் 100வது படமாக இந்த படம் அமைந்திருப்பதை அடுத்து பாடல்கள் அனைத்தும் சூப்பர் ஹிட் ஆக்க வேண்டும் என்பதற்காக அவரும் பாடல் கம்போசிங் பணியில் விறுவிறுப்பாக இருப்பதாக கூறப்படுகிறது. இந்த படத்தை முடித்துவிட்டு தான் நடிகர் சூர்யா பாலிவுட்டில் தயாராக இருக்கும் ’கர்ணா’ என்ற படத்தின் படப்பிடிப்புக்கு செல்வார் என்று எதிர்பார்க்கப்படுகிறது.