பிலிம்பேர் 2016: நான்கு விருதுகளை அள்ளி குவித்த ஷங்கரின் 'ஐ'
- IndiaGlitz, [Sunday,June 19 2016]
நேற்று ஐதராபாத்தில் நடைபெற்ற பிலிம்பேர் விருது வழங்கும் விழாவில் பிரமாண்ட இயக்குனர் ஷங்கர் இயக்கிய 'ஐ' படத்திற்கு நான்கு விருதுகள் கிடைத்துள்ளது. சிறந்த நடிகருக்கான விருது விக்ரம் அவர்களுக்கும் சிறந்த இசையமைப்பாளர் விருது ஏ.ஆர்.ரஹ்மான் அவர்களுக்கும், சிறந்த பாடலாசிரியர் விருது 'பூக்களே சற்று ஓய்வெடுங்கள்' என்ற பாடலை எழுதிய மதன் கார்க்கி அவர்களுக்கும், சிறந்த பாடகருக்கான விருது 'என்னோடு நீ இருந்தால்' என்ற பாடலை பாடிய சித் ஸ்ரீராம் அவர்களுக்கும் கிடைத்துள்ளது.
இதற்கு முன்னர் ஷங்கர் இயக்கிய 'ஜெண்டில்மேன்', 'காதலன்', அன்னியன், ஆகிய படங்களுக்கு ஒரு பிலிம்பேர் விருது மட்டுமே கிடைத்த நிலையில் தற்போது முதல்முறையாக ஷங்கர் இயக்கிய படம் ஒன்று நான்கு விருதுகளை தட்டி சென்றுள்ளது என்பது குறிப்பிடத்தக்கது.
தற்போது ஷங்கர் இயக்கி வரும் '2.0' திரைப்படம் இன்னும் அதிக பிலிம்பேர் விருதுகளை பெற வாழ்த்துகிறோம்.