முன்னாள் அமெரிக்க அதிபர் ஜார்ஜ் ஹெர்பெர்ட் வாக்கர் புஷ் இன்று காலமானார். அவருக்கு வயது 94.

அமெரிக்காவின் 41வது அதிபரான ஜார்ஜ் ஹெர்பெர்ட் வாக்கர் புஷ்  கடந்த சில நாட்களாக உடல்நலமின்றி சிகிச்சை பெற்று வந்த நிலையில் சிகிச்சையின் பலனின்றி இன்று காலமானதாக அவ்ருடைய குடும்பத்தினர் டுவிட்டர் மூலம் உறுதி செய்துள்ளனர்.

கடந்த 1924ஆம் ஆண்டு ஜுன் 12ஆம் தேதி பிறந்த ஜார்ஜ் ஹெர்பெர்ட் வாக்கர், இரண்டாம் உலகப்போரில் பங்கு பெற்றுள்ளார். மறைந்த ஜார்ஜ் புஷ் அவர்களுக்கு ஐந்து குழந்தைகள், 17 பேரக்குழந்தைகள் உள்ளனர். இவருடைய மகன் புஷ் அமெரிக்காவின் 43வது அதிபராக இருந்தார் என்பது குறிப்பிடத்தக்கது.

ஜார்ஜ் ஹெர்பெர்ட் வாக்கர் புஷ் மனைவி பார்பரா புஷ் கடந்த ஏப்ரல் மாதம் காலமானார் என்பதும், அவர் காலமான சில நாட்களில் புஷ் உடல்நலமின்றி மருத்துவமனையில் அனுமதிக்கப்பட்டார் என்பதும் குறிப்பிடத்தக்கது.