முன்னாள் அமைச்சர் பரிதி இளம்வழுதி காலமானார்
- IndiaGlitz, [Saturday,October 13 2018]
முன்னாள் தமிழக அமைச்சர் பரிதி இளம்வழுதி இன்று மாரடைப்பால் காலமானார். அவருக்கு வயது 58
முன்னாள் அமைச்சர் பரிதி இளம்வழுதி அவர்களுக்கு திடீரென மாரடைப்பு ஏற்பட்டதாகவும், இதனையடுத்து அவர் சென்னையில் உள்ள ஒரு தனியார் மருத்துவமனையில் அனுமதிக்கப்பட்டதாகவும், சிகிச்சையின் பலனின்றி அவர் மரணம் அடைந்துவிட்டதாகவும் தகவல்கள் வெளிவந்துள்ளது.
பரிதி இளம்வழுதி, தமிழக சட்டமன்ற உறுப்பினராக 6 முறை தேர்ந்தெடுக்கப்பட்டவர் என்பதும் .1996-2011 வரையிலான கால கட்டத்தில் சட்டப்பேரவை துணைத் தலைவராக இருந்தவர் என்பதும் குறிப்பிடத்தக்கது. மேலும் பரிதி இளம்வழுதி திமுகவின் முக்கிய புள்ளியாக இருந்தும் கருத்துவேறுபாடு காரணமாக திமுகவில் இருந்து கடந்த 2013ஆம் ஆண்டு விலகி அதிமுகவில் இணைந்தார் என்பது குறிப்பிடத்தக்கது.