కరోనా మహమ్మారి దేశ వ్యాప్తంగా విజృంభిస్తోంది. ఇటు సినీ, అటు రాజకీయ ప్రముఖులను సైతం ఈ మహమ్మారి వదలడం లేదు. తాజాగా మాజీ రాష్ట్రపతి ప్రణబ్ ముఖర్జీకి కరోనా పాజిటివ్‌గా నిర్ధారణ అయింది. ఈ విషయాన్ని ఆయన స్వయంగా ట్విట్టర్ వేదికగా వెల్లడించారు. గత వారం రోజులుగా తనతో కాంటాక్ట్‌లో ఉన్నవారంతా కోవిడ్ పరీక్షలు చేయించుకోవాలని ఆయన కోరారు.

‘‘నేను వేరే పని మీద ఆసుపత్రికి వెళ్లినప్పుడు.. నాకు వైద్యులు కోవిడ్ పరీక్ష నిర్వహించగా పాజిటివ్‌‌గా నిర్ధారణ అయింది. ఒక వారం రోజులుగా నాతో కాంటాక్ట్‌లో ఉన్నవారంతా సెల్ఫ్ అసోలేషన్‌లో ఉండటంతో పాటు కోవిడ్ టెస్ట్ చేయించుకోవాలని కోరుతున్నా’’ అని ప్రణబ్ ముఖర్జీ ట్వీట్‌లో పేర్కొన్నారు. ప్రస్తుతం ప్రణబ్ ఓ ఆర్మీ ఆసుపత్రిలో కరోనా చికిత్స పొందుతున్నట్టు తెలుస్తోంది.