எண்ணூர் துறைமுகத்தில் ஆற்றை வழிமறித்து அரசு நிறுவனங்கள் அமைக்கப்பட்டதற்கு எதிர்ப்பு தெரிவித்து கருத்து தெரிவித்த கமல்ஹாசன் இன்று களப்பணியாக அந்த பகுதிக்கு நேரடியாக சென்று ஆய்வு நடத்தினார். கமலின் இந்த நேரடி ஆய்வுப்பணிகளை பெரும்பாலான அரசியல்வாதிகளும், சமூக நல ஆர்வலர்களும் பாராட்டு தெரிவித்துள்ள நிலையில் அதிமுக மூத்த தலைவரும் முன்னாள் கோவை எம்.எல்.ஏவுமான கோவை செல்வராஜ் கடுமையாக விமர்சனம் செய்துள்ளார்

அரசு நிறுவனங்கள் அந்த பகுதியில் நியமிக்காவிட்டால் மக்களுக்கு அடிப்படை தேவை எப்படி கிடைக்கும்? மின்சாரம், பெட்ரோல், டீசல் இல்லாமல் 1945ஆம் ஆண்டில் இருந்தது போல் எந்தவித அடிப்படை வசதியும் இல்லாமல் மக்கள் இருக்க வேண்டும் என்று கமல் நினைக்கின்றாரா?

எதிர்காலத்தை பற்றி சிந்திக்காமல் அப்பட்டமாக குற்றஞ்சொல்லும் கமலுக்கு சிந்திக்கவோ, செயல்படவோ சக்தி இல்லை என்றும் சொல்புத்தியும் சொந்த புத்தியும் இல்லாதவர் அவர் என்றும் கோவை செல்வராஜ் கூறியுள்ளார்.