சென்னை ஆர்.கே. நகர் இடைத்தேர்தலின் வாக்குப்பதிவு நாளை நடைபெறவுள்ள நிலையில் சற்றுமுன்னர் தினகரன் தரப்பினர் ஜெயலலிதா அப்பல்லோ மருத்துவமனையில் சிகிச்சை பெற்றபோது எடுக்கப்பட்ட வீடியோவை வெளியிட்டு பரபரப்பை ஏற்படுத்தியுள்ளனர்.

தினகரன் ஆதரவாளர் வெற்றிவேல் வெளியிட்ட அந்த வீடியோவில் ஜெயலலிதா பழச்சாறு அருந்துவது போன்ற காட்சி உள்ளது. இந்த வீடியோவை வெளியிட்ட பின்னர் செய்தியாளர்களிடம் பேசிய வெற்றிவேல், 'முன்னாள் முதல்வர் ஜெயலலிதா மரணம் குறித்து பலர் பலவகையில் சர்ச்சைக்குரிய வகையில் பேசி வருகின்றனர். ஜெயலலிதாவுக்கு குழந்தை இருக்கின்றது என்றும் ஓபிஎஸ் அவர்களின் தூண்டுதல்களால் வதந்திகள் பரப்பப்பட்டு வருகின்றது. எனவே ஒரு மிகப்பெரிய தலைவரின் புகழுக்கு மரணத்திற்கு பின்னரும் எந்தவிதமான இழுக்கும் நேரக்கூடாது என்பதால் இந்த வீடியோவை தற்போது வெளியிடுள்ளோம். 

இதோடு ஓபிஎஸ்-ஈபிஎஸ் தரப்பினர் நிறுத்திக்கொண்டால் நல்லது. அல்லது இன்னும் சில வீடியோக்களை வெளியிட்டு அவர்களுடைய முகத்திரையை கிழிக்கவும் தயங்க மாட்டோம்' என்று தினகரன் ஆதரவாளர் வெற்றிவேல் கூறியுள்ளார்.

Video of former CM #Jayalalithaa undergoing treatment at Apollo Hospitals pic.twitter.com/WAwNs7idkM

— IndiaGlitz - Tamil (@igtamil) December 20, 2017