రోబో2కి ఫారిన్ నిర్మాత
- IndiaGlitz, [Saturday,September 26 2015]
శంకర్, రజనీకాంత్ కాంబినేషన్లో వచ్చిన శివాజీ, రోబో రెండూ పెద్ద హిట్ కొట్టాయి. రోబో సినిమా అయితే ఆబాలగోపాలాన్ని ఆకర్షించింది. మరీ ముఖ్యంగా క్లైమాక్స్ సన్నివేశంలో వచ్చే ఫైట్ సీన్లలోని గ్రాఫిక్స్ సన్నివేశాలు ఈ సినిమాకు పెద్ద ప్లస్ అయ్యాయి. ఇప్పుడు అంత కన్నా గ్రాండియర్ గా ఈ సినిమాకు సీక్వెల్ సిద్ధం చేసే పనిలో ఉన్నారు శంకర్.
ఆయన విజువల్ వండర్ గా తెరకెక్కిస్తారు కాబట్టి ఈ సినిమాను నిర్మించడానికి ఇప్పటికే పలు అగ్ర నిర్మాణ సంస్థలు ముందుకొచ్చాయి. ఈ మధ్య కంగా ఫారిన్ నిర్మాతలు కూడ ముందుకొస్తున్నారు. ఈ సినిమాకు ఇంటర్నేషనల్ లుక్ రావడం కోసం నెగటివ్ రోల్ లో అంతర్జాతీయ నటుడిని నటింపజేసే ఆలోచనలో ఉన్నారట శంకర్. సో మన సినిమా ఇంటర్నేషనల్ లెవల్ కి చేరుకుంటోందన్నమాట.