అనౌన్స్ చేసిన టైంకే...
- IndiaGlitz, [Saturday,March 09 2019]
కొన్ని సినిమాల మీద ప్రేక్ష‌కులే కాదు, హీరోలు కూడా అమాంతం ఆశ‌లు పెంచేసుకుంటుంటారు. నాని న‌టిస్తున్న 'జెర్సీ' సినిమా అలాంటిదే. ఇందులో క్రికెట‌ర్‌గా క‌నిపించ‌బోతున్నారు నాని. దానికోసం ఆయ‌న ట్రైనింగ్ కూడా తీసుకుని న‌టించారు. ఈ సినిమా త‌న కెరీర్‌లో నెక్స్ట్ రేంజ్ సినిమా అని భావిస్తున్నారు. క్రికెట‌ర్ రామ‌న్ లంబా జీవితాన్ని ఆధారంగా చేసుకుని గౌత‌మ్ తిన్న‌నూరి రాసుకున్న క‌థ అనే టాక్ ఉంది.
ఇందులో నాని స‌ర‌స‌న శ్ర‌ద్ధా శ్రీనాథ్ నాయిక‌గా న‌టిస్తున్నారు. సూర్య‌దేవ‌ర నాగ‌వంశీ సినిమాను నిర్మిస్తున్నారు. సితార ఎంట‌ర్టైన్‌మెంట్స్ నిర్మిస్తోంది. ఈ సినిమాను ఏప్రిల్ 19న విడుదల చేస్తామ‌ని యూనిట్ ప్ర‌క‌టించింది. అయితే మ‌ధ్య‌లో ఏప్రిల్ 5న కూడా విడుద‌ల‌య్యే అవ‌కాశాలున్నాయ‌ని వార్త‌లు వినిపించాయి. కానీ మ‌హేష్ 'మ‌హ‌ర్షి' సినిమా మే 9కి పోస్ట్ పోన్ కావ‌డంతో 'జెర్సీ' సినిమా విడుద‌ల‌ను మార్చ‌డం లేద‌ట. ముందుగా ప్ర‌క‌టించిన విధంగానే ఏప్రిల్ 19నే వ‌స్తున్నార‌ట.