அஜித் நடித்த 'விஸ்வாசம்' திரைப்படம் வரும் பொங்கல் தினத்தில் வெளியாக அனைத்து ஏற்பாடுகளும் தயார் நிலையில் உள்ளது. இந்த நிலையில் இந்த படத்தின் டீசர், டிரைலர், ஃபர்ஸ்ட்சிங்கிள் மற்றும் இசை வெளியீடு ஆகியவை குறித்த அறிவிப்புகள் மிகவிரைவில் வெளியாகும் என்று எதிர்பார்க்கப்படுகிறது.

இந்த நிலையில் இந்த படத்தின் மோஷன் போஸ்டர் சமீபத்தில் வெளியாகி பெரும் வரவேற்பை பெற்றது. இணையதளங்களில் மட்டுமின்றி தமிழத்தின் பல திரையரங்குகளில் இந்த மோஷன் போஸ்டர் திரையிடப்பட்டது என்பது குறிப்பிடத்தக்கது.

இந்த நிலையில் மலேசியாவில் உள்ள ஒரு திரையரங்கில் இன்று மதிய காட்சியுடன் 'விஸ்வாசம்' மோஷன் போஸ்டர் திரையிடப்படவுள்ளதாக அறிவிக்கப்பட்டுள்ளது. மலேசியாவில் ஒரு திரைப்படத்தின் மோஷன் போஸ்டர் திரையரங்கில் திரையிடப்படுவது இதுதான் முதல்முறை என்பதால் இதுவொரு சாதனையாக கருதப்படுகிறது.