జ‌న‌సేనాని, ప‌వ‌ర్ స్టార్ ప‌వ‌న్ క‌ల్యాణ్ రాజకీయాల‌కు కాస్త బ్రేక్ ఇచ్చి సినిమాల్లో మ‌ళ్లీ న‌టిస్తారంటూ కొన్ని రోజులుగా వార్త‌లు విన‌ప‌డుతూనే ఉన్నాయి. ప‌వ‌న్ క‌ల్యాణ్‌ను క‌లిసి ప‌లువురు నిర్మాత‌లు క‌లిసి క‌థ‌లు చెప్పే ప్ర‌య‌త్నాలు మాత్రం మాన‌డం లేదు. ఆ వ‌రుస‌లో మైత్రీ మూవీ మేకర్స్ బ్యాన‌ర్‌లో హ‌రీశ్ శంక‌ర్‌తో ప‌వ‌న్ సినిమా చేస్తాడ‌ని ఓ ప‌క్క‌వార్త‌లు విన‌ప‌డుతున్నాయి. అలాగే మ‌రో ప‌క్క డైరెక్ట‌ర్ క్రిష్ క‌థ‌ను కూడా ప‌వ‌న్ ఓకే చేశాడ‌ని ఈ చిత్రాన్ని ఎ.ఎం.ర‌త్నం నిర్మిస్తాడ‌ని టాక్‌.

అయితే తాజా స‌మాచారం ప్ర‌కారం క్రిష్ ప‌వ‌న్ కోసం త‌న‌దైన స్టైల్లో ఓ క‌థ‌ను తయారు చేశాడ‌ట‌. ఆస‌క్తిక‌ర‌మైన విష‌య‌మేమంటే ఇలాంటి జోన‌ర్‌లో ప‌వ‌న్ న‌టించ‌లేద‌ని టాక్‌. ఇంత‌కు ప‌వ‌న్ కోసం క్రిష్ త‌యారు చేసిన క‌థ జాన‌పద జోన‌ర్‌కు సంబంధించిన‌ద‌ని స‌మాచారం. అలాగ‌ని ఇందులో క‌మ‌ర్షియ‌ల్ అంశాలుండ‌వా అంటే.. ప‌వ‌న్ ఇమేజ్‌ను బేస్ చేసుకుని క్రిష్ ఈ క‌థ‌ను సిద్ధం చేశాడ‌ట‌. అయితే ప‌వ‌న్ ఇప్ప‌టి వ‌ర‌కు త‌న వైపు గ్రీన్ సిగ్న‌ల్ మాత్రం ఇవ్వ‌లేద‌ట‌. ఆయ‌న ఓకే అంటే నిర్మాత‌లు సినిమాను వెంట‌నే ట్రాక్ ఎక్కించేయ‌డానికి సిద్ధంగా ఉన్నార‌ట‌.

మరి ప్ర‌స్తుతం ప‌వ‌న్ చేయాల్సిన సినిమాల లిస్టులో మైత్రీ మూవీస్‌, ఎ.ఎం.ర‌త్నం సినిమాలు ముందు వ‌రుస‌లో ఉన్నాయి. మ‌రి ప‌వ‌న్ ఏ సినిమాను ముందు చేస్తాడ‌ని సస్పెన్స్ అంద‌రిలో కొన‌సాగుతుంది.