ఇండ‌స్ట్రీలోకి 'ఉయ్యాల జంపాలా' తో హీరోగా ఎంట్రీ ఇచ్చాడు రాజ్ త‌రుణ్‌. ఆ త‌ర్వాత కూడా కొన్ని సినిమాలు అత‌నికి బాగానే క‌లిసొచ్చినా, ఇటీవ‌ల మాత్రం ఎక్కువ ఫ్లాప్‌లు చ‌విచూశాడు. మొన్నామ‌ధ్య దిల్‌రాజు అన్న కొడుకు నిర్మించిన సినిమా కూడా ఇత‌నికి బాక్సాఫీస్ ద‌గ్గ‌ర ప‌రాజ‌యాన్నే మ‌రోసారి ప‌రిచ‌యం చేసింది ఈ నేప‌థ్యంలో 'లవ‌ర్‌' త‌ర్వాత రాజ్ త‌రుణ్‌తో దిల్‌రాజు ఇంకో సినిమాను రూపొందిస్తున్నారు.

ఈ తాజా సినిమాకు 'ఇద్ద‌రి లోకం ఒక‌టే' అనే పేరు పెట్టారు. జి.ఆర్‌. కృష్ణ ద‌ర్శ‌కుడు. ఈ సినిమాలో రాజ్ త‌రుణ్‌కి హీరోయిన్‌గా షాలినీ పాండేను ఫిక్స్ చేశార‌ట‌. తొలి సినిమా 'అర్జున్ రెడ్డి' నుంచి ఇటీవ‌ల '118' వ‌ర‌కు షాలినీ పాండే ఖాతాలో హిట్‌ సినిమాలున్నాయి. తాజాగా ఆమె మాత్రం రాజ్‌త‌రుణ్ సినిమా స్క్రిప్ట్ న‌చ్చ‌డంతో సినిమా చేయ‌డానికి అంగీక‌రించిందట‌. ఆమె గోల్డెన్ లెగ్ ఈ సినిమాకు మంచి జ‌రుగుతుంద‌ని అంతా ఆశిస్తున్నారు.