தமிழ் திரையுலகின் முன்னணி தயாரிப்பாளர்களில் ஒருவர் ஃபைவ் ஸ்டார் கதிரேசன் தயாரிப்பில் உருவாக இருக்கும் திரைப்படத்தில் இயக்குனர் இன்னாசி பாண்டியன் இணைந்துள்ளதாக தகவல் வெளியாகி உள்ளன.

ஃபைவ் ஸ்டார் கதிரேசன் தயாரிப்பில் இன்னாசி பாண்டியன் இயக்கத்தில் அருள்நிதி நடிப்பில் உருவான ’டைரி’ என்ற திரைப்படம் கடந்த ஆண்டு வெளியாகி நல்ல வரவேற்பை பெற்றது என்பது தெரிந்ததே.

இந்த நிலையில் மீண்டும் ஃபைவ் ஸ்டார் கதிரேசன் மற்றும் இன்னாசி பாண்டியன் ஆகிய இருவரும் ஒரு திரைப்படத்தில் இணைய இருப்பதாக அறிவிக்கப்பட்டுள்ளது. ஃபைவ் ஸ்டார் புரொடக்ஷன் நிறுவனத்தின் 12 வது திரைப்படமான இந்த படத்தின் அறிவிப்பு தற்போது வெளியாகி உள்ள நிலையில் இந்த படமும் ’டைரி’ படம் போலவே ஒரு திரில்லர் கதை அம்சம் கொண்டது என்று கூறப்படுகிறது. இந்த படத்தில் நடிக்கும் நட்சத்திரங்கள் மற்றும் தொழில்நுட்ப கலைஞர்கள் குறித்த அறிவிப்பு விரைவில் வெளியாகும் என்று எதிர்பார்க்கப்படுகிறது.

ஏற்கனவே ஃபைவ் ஸ்டார் கதிரேசன் தயாரிப்பில், கார்த்திக் சுப்புராஜ் இயக்கத்தில் ராகவா லாரன்ஸ், எஸ்.ஜே.சூர்யா நடிப்பில் ’ஜிகர்தண்டா 2’ என்ற படம் உருவாகியுள்ளது என்பதும் இந்த படம் வரும் தீபாவளி அன்று வெளியாக இருப்பதாக அறிவிக்கப்பட்டுள்ளது என்பதும் தெரிந்ததே.