தளபதி விஜய் நடிக்க இருக்கும் ’தளபதி 68’ படத்தின் பூஜை நேற்று நடந்ததாக தகவல் வெளியான நிலையில் இன்று முதல் இந்த படத்தின் படப்பிடிப்பு தொடங்க இருப்பதாகவும் முதல் கட்டமாக இந்த படத்தில் இடம்பெறும் பாடல் ஒன்றின் படப்பிடிப்பு நடைபெற இருப்பதாகவும் கூறப்படுகிறது.

இந்த நிலையில் நேற்று நடந்த பூஜையில் சில பிரபலங்கள் கலந்து கொண்டதை அடுத்து அவர்கள் இந்த படத்தில் நடிப்பது உறுதி செய்யப்பட்டுள்ளதாக கூறப்படுகிறது. ஏற்கனவே இந்த படத்தில் நடிக்க இருப்பதாக கூறப்பட்ட மோகன், பிரசாந்த், மீனாட்சி சவுத்ரி மற்றும் பிரபுதேவா ஆகியோர் நேற்றைய பூஜையில் கலந்து கொண்டதாகவும் இதனை அடுத்து அவர்கள் இந்த படத்தில் நடிப்பது உறுதி செய்யப்பட்டதாக கூறப்படுகிறது.

அதுமட்டுமின்றி நேற்றைய பூஜையில் நடிகர் ஜெயராம் கலந்து கொண்டதாகவும் அவரும் இந்த படத்தில் முக்கிய இருப்பதாகவும் தெரிகிறது. இதுவரை இல்லாத அளவில் வித்தியாசமாக விஜய்யுடன் நடிக்கும் நட்சத்திரங்களை இயக்குனர் வெங்கட் பிரபு தேர்வு செய்து வரும் நிலையில் இந்த படம் வித்தியாசமாக இருக்கும் என்பது உறுதி செய்யப்பட்டுள்ளது.

ஏஜிஎஸ் நிறுவனத்தின் தயாரிப்பில், யுவன் சங்கர் ராஜா இசையில் உருவாகி வரும் இந்த படம் நிச்சயம் விஜய் படங்களில் வித்தியாசமான ,அதே நேரத்தில் வெங்கட் பிரபுவின் பாணியில் இருக்கும் என்று எதிர்பார்க்கப்படுகிறது.