బెల్లం బాబు ప‌క్క‌న ఐదుగురు హీరోయిన్లు!
- IndiaGlitz, [Wednesday,August 28 2019]
బెల్లంకొండ జూనియ‌ర్ బెల్లంకొండ గ‌ణేష్ ప‌క్క‌న ఐదుగురు హీరోయిన్లు న‌టించ‌నున్నార‌న్న‌ది ప్ర‌స్తుతం టాలీవుడ్ టాక్‌. ప‌వ‌న్ సాధినేని ద‌ర్శ‌క‌త్వంలో బెల్లంకొండ గ‌ణేష్ హీరోగా ఓ సినిమా ప్రారంభం కానుంది. కంప్లీట్ ల‌వ్ అండ్ రొమాంటిక్ ఎంట‌ర్ టైన‌ర్‌గా తెర‌కెక్క‌నున్న ఈ చిత్రాన్ని ఎక్కువ శాతం విదేశాల్లోనే చిత్రీక‌రించ‌నున్నారు. వ‌చ్చే నెల నుంచి ఈ సినిమా షెడ్యూల్ ప్రారంభం కానుంది.
బెల్లంకొండ గ‌ణేష్ ఇప్ప‌టికే యాక్టింగ్‌లో పూర్తిగా శిక్ష‌ణ తీసుకున్నారు. యు.ఎస్‌.లో ఫిల్మ్ మేకింగ్ కోర్సు చేశారు. సినిమ‌ల్లోకి రావ‌డం కోస‌మే బాగా బ‌రువు త‌గ్గి ఫిట్‌గా త‌యార‌య్యారు. దాంతో పాటు ముంబైలోనూ మ‌న సెన్సిబిలిటీస్‌కి త‌గ్గ‌ట్టుగా యాక్టింగ్‌లో మెల‌కువ‌లు నేర్చుకున్నారు.
'ప్రేమ ఇష్క్ కాదల్' సినిమాకు ద‌ర్శ‌క‌త్వం వ‌హించిన ప‌వ‌న్ సాధినేనితో గ‌ణేష్‌కు కొన్ని నెల‌లుగా మంచి ర్యాపో కుదిరింది. వీరిద్ద‌రూ క‌లిసి ఓ క‌థ‌తో ట్రావెల్ అవుతున్నారు. ఆ క‌థ‌లో బెల్లంకొండ ఐదు ర‌కాల పాత్ర‌ల్లో క‌నిపిస్తార‌ని టాక్‌. అందులో ముఖ్యంగా యువ‌కుడి నుంచి పెళ్లైన పురుషుడిదాకా ప‌లు గెట‌ప్పులు ఉంటాయ‌ట. అందుకే ఆయా గెట‌ప్పుల‌కు స‌రిపోయేలా ఐదుగురు భామ‌ల‌ను ఎంపిక చేసుకుంటున్నార‌ట. క్లాస్ ఆడియ‌న్స్ ను ఆక‌ట్టుకునే ప్ర‌య‌త్నంతో పాటు, బెల్లంకొండ గ‌ణేష్‌లోని న‌ట‌న‌ను అంద‌రికీ చూపించే ప్ర‌య‌త్నం చేస్తున్నార‌ట ద‌ర్శ‌కుడు. అందుకే క్యూట్ ల‌వ్ స్టోరీని తొలి సినిమాకు ఎంపిక చేసుకున్న‌ట్టు సమాచారం.
'ప్రేమ ఇష్క్ కాదల్' చిత్రంతో ద‌ర్శ‌కుడిగా ప‌రిచ‌య‌మైన ప‌వ‌న్ సాధినేని త‌న మాతృసంస్థ‌ను మ‌ర్చిపోలేదు. గ‌ణేష్ చిత్రానికి ల‌క్కీ మీడియా కూడా ఒక నిర్మాత‌గా వ్య‌వ‌హ‌రించ‌నుంది. కొడుకు లాంచింగ్ సినిమా కాబ‌ట్టి బెల్లంకొండ సురేష్ కూడా బ్యాకింగ్ చేయ‌నున్నారు. మ‌రోవైపు ల‌క్కీ మీడియా నిర్మాత బెక్కం వేణుగోపాల్ ఇత‌ర ప్రాజెక్టుల‌తో బిజీగా ఉన్నారు. విశ్వ‌క్సేస్ హీరోగా ఆయ‌న 'పాగ‌ల్‌' అనే సినిమాను తెర‌కెక్కిస్తున్నారు. అలాగే శ్రీ వెంక‌టేశ్వ‌ర క్రియేష‌న్స్ తో క‌లిసి 'ఇద్ద‌రిదీ ఒక‌టే లోకం' చిత్రాన్ని నిర్మిస్తున్నారు. ఈ చిత్రంలో రాజ్ త‌రుణ్ హీరోగా న‌టిస్తున్నారు.