ఇళ‌య‌రాజా తొలిసారి
- IndiaGlitz, [Thursday,September 12 2019]
ఇళ‌య‌రాజా సంగీతం అంటే ఇష్ట‌ప‌డనివారు ఉండ‌రు. సంగీత సామ్రాట్‌గా ఆయ‌న ఎన్నో వైవిధ్య‌మైన చిత్రాల‌కు తన సంగీతంతో ప్రాణం పోశారు. అయితే ఆయ‌న కెరీర్‌లో తొలిసారి ఓ విభిన్న‌మైన చిత్రానికి సంగీతాన్ని అందించ‌బోతున్నారు. ఇంత‌కు ఆ చిత్ర‌మేదో తెలుసా? 'డిటెక్టివ్ 2'. అదేంటి? అని అనుకోకండి.. ఎందుకంటే ఇన్నేళ్ల కెరీర్‌లో డిటెక్టివ్ చిత్రాల‌కు ఆయ‌న సంగీతాన్ని అందివ్వ‌నే లేదు. తొలిసారి డిటెక్టివ్ చిత్రానికి సంగీతాన్ని అందించ‌బోతున్నారు. విశాల్, మిస్కిన్ కాంబినేష‌న్‌లో రూపొందిన చిత్రం 'డిటెక్టివ్'. మ‌న నెటివిటీతో హాలీవుడ్ త‌ర‌హా ఇన్వెస్టిగేష‌న్‌తో సాగే స్క్రీన్‌ప్లే ఈ సినిమా స్పెషాలిటీ. త‌మిళ, తెలుగులో మంచి ఆద‌ర‌ణ‌ను పొందిన ఈ చిత్రానికి సీక్వెల్ చేస్తామ‌ని ఎప్పుడో మిస్కిన్ ప్ర‌క‌టించాడు. ఒక‌టి కాదు.. రెండు కాదు ఏకంగా ఆరు సీక్వెల్స్ చేయ‌డానికి విశాల్, మిస్కిన్‌లు సిద్ధ‌మ‌య్యారు. అందులో రెండు పార్ట్‌గా డిటెక్టివ్ 2 సైట్స్ పైకి వెళ్ల‌నుంది.
సినిమాకు సంబంధించిన స్క్రిప్ట్ లాక‌య్యింది. ద‌ర్శ‌కుడు మిస్కిన్ లొకేష‌న్స్ సెర్చ్ పూర్తి చేశాడు. తొలి పార్ట్ ఇండియాలో జ‌రిగితే ఇప్పుడు రెండో భాగం విదేశాల్లో జ‌ర‌గ‌నుంది. ప్రీ ప్రొడ‌క్ష‌న్ ప‌నుల్లో భాగంగా ఇళ‌య‌రాజాను క‌లిసి సంగీతం అందించ‌మ‌ని కోరారు. ఆయ‌న‌కు ఓకే చెప్పారు. విశాల్, ఇళ‌య‌రాజా కాంబినేష‌న్‌లో రూపు దిద్దుకుంటోన్న తొలి చిత్రం కూడా ఇదే. ఈ చిత్రాన్ని విశాల్ తన స్వంత బ్యాన‌ర్‌లో నిర్మించ‌బోతున్నారు. ఈఏడాదితో విశాల్ కెరీర్‌ను స్టార్ట్ చేసి 15 ఏళ్లు పూర్త‌య్యింది.