ఏపీలో రికార్డ్ స్థాయిలో కరోనా కేసులు నమోదయ్యాయి. ఇంత భారీ స్థాయిలో కేసులు నమోదవడం ఇదే తొలిసారి. నేడు మరణాల సంఖ్య తగ్గడం కాస్త ఊరటనిస్తోంది. ఏపీ వైద్య ఆరోగ్యశాఖ శుక్రవారం నాటి కరోనా బులిటెన్‌ను విడుదల చేసింది. గడిచిన 24 గంటల్లో 48,114 శాంపిళ్లను పరీక్షించగా.. 8147 మందికి కరోనా పాజిటివ్‌గా నిర్ధారణ అయింది. దీంతో ఏపీలో కరోనా పాజిటివ్‌ కేసుల సంఖ్య 80,858కి చేరుకుంది. కాగా రాష్ట్రంలో 39990 యాక్టివ్ కేసులున్నాయి. 39935 మంది కరోనా నుంచి కోలుకుని డిశ్చార్జ్ అయ్యారు.

కాగా నేడు ఒక్కరోజే రాష్ట్రంలో 49 మంది కరోనాతో మృతి చెందారు. దీంతో ఇప్పటి వరకూ మొత్తం మృతుల సంఖ్య 933కు చేరుకుంది. అయితే కరోనాతో నేడు తూర్పుగోదావరిలో 11 మంది, కృష్ణలో తొమ్మిది మంది, కర్నూలులో 8 మంది, శ్రీకాకుళంలో ఏడుగురు, చిత్తూరులో ఒక్కరు, ప్రకాశంలో ఒక్కరు, విజయనగరంలో ఒక్కరు మరణించారు. రాష్ట్రం మొత్తం మీద అత్యధికంగా తూర్పుగోదావరిలో 1000కి పైగా కేసులు నమోదయ్యాయి. నేడు ఒక్కరోజే తూర్పు గోదావరిలో 1029 కేసులు నమోదవడం గమనార్హం. కాగా ఇప్పటి వరకూ రాష్ట్రంలో 15 లక్షల 41,993 శాంపిళ్లను పరీక్షించినట్టు వైద్య ఆరోగ్యశాఖ వెల్లడించింది.

#COVIDUpdates: 24/07/2020, 10:00 AM
రాష్ట్రం లోని నమోదైన మొత్తం 77,963 పాజిటివ్ కేసు లకు గాను
*37,198 మంది డిశ్చార్జ్ కాగా
*933 మంది మరణించారు
* ప్రస్తుతం చికిత్స పొందుతున్నవారి సంఖ్య 39,832#APFightsCorona #COVID19Pandemic pic.twitter.com/cFz8XSGhKf

— ArogyaAndhra (@ArogyaAndhra) July 24, 2020