ద్విభాషా చిత్రంలో తొలిసారి....
- IndiaGlitz, [Thursday,June 29 2017]
కన్నడలో 'అధ్యక్షా' చిత్రంతో పరిచయమైన హెబా పటేల్‌ ఆ తర్వాత ఓ తమిళ సినిమా కూడా చేసింది. అయితే ఈ సినిమాలు ఆమె కెరీర్‌కి ఎంత మాత్రం ఉపయోగ పడలేదు. తెలుగులో 'అలా ఎలా' చిత్రంఓ పరిచయమై 'కుమారి 21ఎఫ్‌' చిత్రంతో అందర్నీ ఆకట్టుకుంది. ముఖ్యంగా యూత్‌లో హెబాకు మంచి ఫాలోయింగ్‌ వుంది.
'ఈడోరకం ఆడోరకం', 'ఎక్కడికి పోతావు చిన్నవాడ', 'నాన్న నేను నా బాయ్‌ఫ్రెండ్స్‌' వంటి సూపర్‌హిట్‌ సినిమాలు చేసింది. తాజాగా రాజ్‌తరుణ్‌తో చేసిన 'అంధగాడ' కూడా మంచి విజయాన్ని సాధించింది. కన్నడ, తమిళ చిత్రాల్లో రాని గుర్తింపు తెలుగులో వచ్చింది. ఇప్పుడు హెబా తమిళ్‌లో రీ ఎంట్రీ ఇవ్వబోతోంది. జాతీయ స్థాయిలో అవార్డు గెలుచుకున్న 'మిణుగురులు' చిత్ర దర్శకుడు హెబా పటేల్‌ ప్రధాన పాత్రలో తెలుగు, తమిళ భాషల్లో ఓ చిత్రాన్ని రూపొందించనున్నారు. త్వరలోనే సెట్స్‌ పైకి వెళ్ళనున్న ఈ చిత్రానికి సంబంధించిన పూర్తి వివరాలు తెలుస్తాయి.