విష్ణుకిదే తొలిసారి..
- IndiaGlitz, [Friday,December 15 2017]
గతంలో మ‌న తెలుగు క‌థానాయ‌కులు సంవత్సరానికి నాలుగు లేదా ఐదు సినిమాల‌తో సంద‌డి చేసేవారు. అయితే.. తర్వాత కాలంలో ఆ ట్రెండ్ మారుతూ వచ్చింది. హీరో ఎవరైనా సరే సంవత్సరానికి ఒక సినిమా రావడం కూడా గగనమైపోయింది. కాని ఇప్పుడిప్పుడే మళ్ళీ టాలీవుడ్లో మార్పులు వస్తున్నాయి. ఏడాదికి రెండు సినిమాలను విడుదలకు చేసేందుకు తెలుగు హీరోలు ప్లాన్ చేసుకుంటున్నారు. ఇదిలా ఉంటే.... త‌న కెరీర్‌లోనే తొలిసారిగా యాక్షన్ హీరో మంచు విష్ణు రెండు వారాల వ్యవధిలో రెండు సినిమాల‌తో తెర‌పై సంద‌డి చేయ‌నున్నారు.
గతంలో జి.నాగేశ్వర రెడ్డి దర్శకత్వంలో దేనికైనారెడీ', ఆడో రకం ఈడో రకం' వంటి విజయవంతమైన కామెడీ చిత్రాలలో న‌టించిన విష్ణు.. ఇప్పుడు హ్యాట్రిక్ మూవీగా ఆచారి అమెరికా యాత్ర' చేస్తున్నాడు. ఈ రొమాంటిక్ కామెడీ ఎంటర్‌టైనర్ జనవరి 26న ప్రేక్షకుల ముందుకు రానున్నది. అలాగే మోహన్ బాబు నిర్మిస్తూ, నటిస్తున్న చిత్రం గాయత్రి'. శ్రియ నాయికగా నటిస్తున్న ఈ మూవీలో విష్ణు కూడా ఒక కీలక పాత్ర పోషిస్తున్నారు. మదన్ రూపొందిస్తున్నఈ సినిమాని ఫిబ్రవరి 9న విడుదల చేయడానికి స‌న్నాహాలు చేస్తున్నారు. అంటే.. రెండు వారాల గ్యాప్‌లో మంచు విష్ణు త‌న అభిమానుల‌ను ప‌ల‌క‌రించ‌నున్నాడ‌న్న‌మాట.